കൊച്ചി: ഹോം ഡെവിലറി പരീക്ഷിക്കാന് ബിവറേജസ് കോര്പ്പറേഷനും. രണ്ടാം തരംഗം അതിസങ്കീര്ണമായത് കണക്കിലെടുത്താണ് മദ്യം ഓണ്ലൈനായി വീട്ടില് എത്തിക്കാന് ബെവ്കോ തയ്യാറെടുക്കുന്നത്. സാമൂഹിക അകലം പാലിക്കാന് മദ്യം ഓണ്ലൈനായി വീട്ടിലെത്തിക്കുന്നതു പരിഗണിക്കണമെന്ന് നേരത്തെ സുപ്രീംകോടതി നിര്ദ്ദേശിച്ചിരുന്നു. ബംഗാള് തിരഞ്ഞെടുപ്പ് ചുമതലയുള്ള ബെവ്കോ എം.ഡി തിരിച്ചെത്തിയാല് തുടര് നടപടികള് വേഗത്തിലാകും.ആപ്പിന് പകരം കോര്പ്പറേഷന്റെ വെബ്സൈറ്റ് തന്നെ ഹോം ഡെലിവറിക്കായി പരിഷ്കരിക്കാനാണ് ആലോചന.ബെവ്ക്യൂ ആപ്പിന് വീണ്ടും അനുമതി തേടി ഫെയര്കോഡ് ടെക്നോളജീസ് ബിവറേജസ് കോര്പ്പറേഷനെ സമീപിച്ചിട്ടുണ്ട്. ആപ്പ് പ്രവര്ത്തന സജ്ജമാണെന്നും കോര്പ്പറേഷന് നിര്ദ്ദേശിക്കുന്ന മാറ്രങ്ങള് വരുത്താമെന്നും കമ്പനി അറിയിച്ചു.2020 മേയ് 28ന് പ്ലേ സ്റ്റോറില് എത്തിയ ബെവ്ക്യൂ ആപ്പ് 2021ജനുവരിയിലാണ് പ്രവര്ത്തനം താത്കാലികമായി നിറുത്തിയത്.
2021-04-22