ന്യൂഡല്ഹി : അലോപ്പതി ചികിത്സ വിവേക ശൂന്യമാണെന്ന യോഗ ഗുരു ബാബാ രാംദേവ് നടത്തിയ പരാമര്ശങ്ങള് കൊവിഡിനെതിരെ പോരാടുന്നവരെ അപമാനിക്കുന്നതാണെന്ന് കേന്ദ്ര ആരോഗ്യ മന്ത്രാലയം. അലോപ്പതി ചികിത്സ നിരവധി പേരെ രക്ഷിച്ചിട്ടുണ്ടെന്നും രാംദേവിന്റെ വാക്കുകള് ദൗര്ഭാഗ്യകരമാണെന്നും രാജ്യത്തെ പൗരന്മാരെ കൂടി അപമാനിക്കുന്നതാണ് രാംദേവിന്റെ വാക്കുകളെന്ന് കേന്ദ്ര ആരോഗ്യ മന്ത്രി ഹര്ഷ വര്ധന് പ്രതികരിച്ചു. ഇക്കാര്യങ്ങള് ചൂണ്ടിക്കാട്ടി അദ്ദേഹം രാംദേവിന് കത്തയച്ചു.രാജ്യത്തെ പൗരന്മാര്ക്ക് ആരോഗ്യപ്രവര്ത്തകര് ദൈവത്തെ പോലെയാണ്. ആ പൗരന്മാരെ കൂടിയാണ് നിങ്ങള് അപമാനിച്ചത്. പരാമര്ശം പിന്വലിക്കണമെന്നും ഹര്ഷ വര്ധന് രാംദേവിന് അയച്ച കത്തില് ആവശ്യപ്പെട്ടു. ഇതിന് പിന്നാലെ ബാബ രാംദേവി വിവാദ പരാമര്ശം പിന്വലിച്ചു.അലോപ്പതി മരുന്നുകള് കാരണം ലക്ഷക്കണക്കിന് ആളുകള് മരിച്ചതായും ചികിത്സയോ ഓക്സിജനോ ലഭിക്കാതെ മരിച്ചവരേക്കാള് വളരെ കൂടുതലാണെന്നും രാംദേവ് പറഞ്ഞിരുന്നു.
2021-05-24