ബംഗ്ലൂര്: കോവിഡ് പശ്ചാത്തലത്തില് കര്ണാടകയില് 14 ദിവസത്തേക്ക് കര്ഫ്യൂ പ്രഖ്യാപിച്ചു. നാളെ രാത്രി ഒന്പത് മുതല് പതിനാല് ദിവസത്തേക്കായിരിക്കും നടപടിയെന്ന് മുഖ്യമന്ത്രി ബി.എസ് യെദ്യൂരപ്പ അറിയിച്ചു. അവശ്യസേനവനങ്ങള് രാവിലെ ആറു മുതല് പത്തു മണി വരെ അനുവദനീയമായിരിക്കും.
നിര്മാണം, ഉത്പാദനം, കൃഷി എന്നീ മേഖലകള്ക്ക് നിയന്ത്രണമില്ല. കഴിഞ്ഞ ബുധനാഴ്ച മുതല് രാത്രി ഒമ്പതു മുതല് പുലര്ച്ചെ ആറുവരെ രാത്രി കര്ഫ്യൂ ഏര്പ്പെടുത്തിയിരുന്നു. ഇതോടൊപ്പം വാരാന്ത്യങ്ങളില് സമ്പൂര്ണ കര്ഫ്യൂവും ഏര്പ്പെടുത്തി. ഇന്നലെ 34,804 പുതിയ കൊവിഡ് കേസുകളാണ് കര്ണാടകയില് റിപ്പോര്ട്ട് ചെയ്തത്. 143 മരണം കൂടി റിപ്പോര്ട്ട് ചെയ്തതോടെ സംസ്ഥാനത്തെ ആകെ മരണസംഖ്യ 14426 ആയി.