എറണാകുളം: ആരുടെയെങ്കിലും പേരിന്റെ പേരില് ആക്ഷേപിക്കുന്ന നിലപാട് പാര്ട്ടിക്കില്ലെന്ന് സിപിഎം സംസ്ഥാന സെക്രട്ടറി എം.വി ഗോവിന്ദന് വ്യക്തമാക്കി. മാധ്യമ പ്രവര്ത്തകന് നൗഫല് ബിന് യൂസഫിനെ നൗഫല് ബിന് ലാദനായി അധിക്ഷേപിച്ച് സിപിഎം കണ്ണൂര് ജില്ലാ സെക്രട്ടറി എം.വി ജയരാജന് നടത്തിയ പ്രസ്താവനയോട് പ്രതികരിക്കുകയായിരുന്നു അദ്ദേഹം.
‘ജയരാജന്റെ പ്രസ്താവനയെ കുറിച്ച് എനിക്കറിയില്ല. മുഖ്യമന്ത്രിക്കെതിരെ കരിങ്കൊടി പ്രതിഷേധം തുടര്ന്നാല് പ്രതിപക്ഷ നേതാവിനെ പുറത്തിറങ്ങാന് അനുവദിക്കില്ലെന്ന ഇ.പി.ജയരാജന്റെ പ്രസ്താവന നിലവില് പാര്ട്ടി എടുത്ത നിലപാടല്ല. ഭാവിയില് നമുക്ക് നോക്കാമെന്നാണ് അദ്ദേഹം പറഞ്ഞത്. മുഖ്യമന്ത്രിയുടെ അഡീഷണല് പ്രൈവറ്റ് സെക്രട്ടറി സി.എം രവീന്ദ്രനെ ഇ.ഡി.ചോദ്യം ചെയ്യുന്ന ലൈഫ് മിഷനുമായി മുന്നേകാല് ലക്ഷം പേര്ക്ക് വീട് നല്കിയ ലൈഫുമായി ബന്ധമില്ല. സര്ക്കാരുമായി ബന്ധമില്ലാത്ത ഒരു ഫ്ളാറ്റുമായി ബന്ധപ്പെട്ടാണ് പ്രശ്നം നിലനില്ക്കുന്നത്’- സെക്രട്ടറി ചൂണ്ടിക്കാട്ടി.