പുരുഷ ശബ്ദത്തിലും സംസാരിക്കാവുന്ന തരത്തില്‍ അലക്‌സയില്‍ പുതിയ മാറ്റങ്ങളുമായി ആമസോണ്‍.
യഥാര്‍ത്ഥ ശബ്ദത്തിനോടൊപ്പം പുരുഷ ശബ്ദത്തിലും സേവനം നല്‍കുന്ന ഫീച്ചര്‍ ഉപഭോക്താക്കള്‍ക്ക് ലഭ്യമാകും. ഇന്ത്യയില്‍ അഞ്ച് വര്‍ഷം പൂര്‍ത്തിയാക്കുന്ന അവസരത്തിലാണ് പുതിയ ഫീച്ചര്‍ ആമസോണ്‍ അവതരിപ്പിക്കുന്നത്.
ഇംഗ്ലീഷിന് പുറമേ, ഹിന്ദിയിലും പ്രതികരിക്കാന്‍ തരത്തിലുള്ള മാറ്റങ്ങളാണ് ആമസോണ്‍ അലക്‌സയില്‍ വരുത്തുന്നത്. ഉപകരണത്തില്‍ ‘അലക്‌സാ, ചേഞ്ച് യുവര്‍ വോയിസ്’ എന്ന് പറഞ്ഞാല്‍ ഉപകരണത്തിന്റെ ക്രമീകരണത്തിലൂടെ ശബ്ദം മാറ്റാന്‍ സാധിക്കും. നിലവില്‍, മിക്ക ആളുകളുടെയും നിത്യജീവിതത്തിന്റെ ഭാഗമാകാന്‍ അലക്‌സയ്ക്ക് സാധിച്ചിട്ടുണ്ട്. ശബ്ദത്തില്‍ വരുന്ന വ്യത്യാസങ്ങള്‍ ഉപഭോക്താക്കള്‍ക്കിടയില്‍ കൂടുതല്‍ സ്വീകാര്യത നേടിയെടുക്കാന്‍ സാധിക്കുമെന്നാണ് ആമസോണിന്റെ വിലയിരുത്തല്‍. ആമസോണ്‍ വികസിപ്പിച്ച ഒരു ഇന്റലിജന്റ് പേഴ്‌സണല്‍ അസിസ്റ്റന്റ് സംവിധാനമാണ് അലക്‌സ.