സാക്രമെന്റോ: ഒപ്പുവെച്ച കരാറുകള്‍ അവസാനിക്കുന്നതിന് മുമ്ബ് തന്നെ യാതൊരു കാരണവും കൂടാതെ പ്രസിഡന്റ് ഗ്രേഗ് ടോംബിനെ പുറത്താക്കി വീഡിയോ കോണ്‍ഫറന്‍സിംഗ് പ്ലാറ്റ്ഫോമായ സൂം. കൊവിഡിന് ശേഷം കമ്ബനി സിഇഒ എറിക് യുവാന്‍ 1,300 ജീവനക്കാരെ പിരിച്ചു വിട്ടിരുന്നു. പിന്നാലെയാണ് ഇപ്പോള്‍ പ്രസിഡന്റ് ഗ്രേഗ് ടോംബും കമ്ബനിക്ക് പുറത്ത് പോകുന്നത്.
ബിസിനസുകാരനും മുന്‍ ഗൂഗിള്‍ ജീവനക്കാരനുമായ ടോംബ് സൂമില്‍ ചുമതലയേല്‍ക്കുന്നത് കഴിഞ്ഞ വര്‍ഷം ജൂണിലായിരുന്നു. തുടര്‍ന്ന് കമ്ബനിയിലെ സാമ്ബത്തിക നേട്ടങ്ങളില്‍ പങ്കാളിയായിരുന്നു അദ്ദേഹം. വ്യക്തികളെ സാമൂഹികമായി ബന്ധിപ്പിച്ചിരുന്നതില്‍ പ്രധാന പങ്ക് വഹിച്ച വീഡിയോ കോണ്‍ഫറന്‍സിംഗ് പ്ലാറ്റ്ഫോമുകളില്‍ ഒന്നായിരുന്നു സൂം. കോവിഡ് കാലഘട്ടത്തിലാണ് ആപ്പിന്റെ ഉപയോഗം കൂടുന്നത്. ഇതിന്റെ പശ്ചാത്തലത്തില്‍ കമ്ബനി അധികം ജീവനക്കാരെ നിയമിച്ചിരുന്നു. എന്നാല്‍ കൊവിഡിന് ശേഷം ഉപയോക്താക്കള്‍ ആപ്പ് ഉപയോഗിക്കുന്നത് കുറയുകയും ഇത് കമ്ബനിയെ സാരമായി ബാധിക്കുകയും ചെയ്തു. ഇതിന്റെ പശ്ചാത്തലത്തിലായിരുന്നു കൂട്ട പിരിച്ചുവിടല്‍.
ജോലി,വിദ്യാഭ്യാസ ആവശ്യങ്ങള്‍ക്കും ഔദ്യോഗിക ഇടപെടലുകള്‍ക്കുമായാണ് കൊവിഡ് കാലഘട്ടത്തില്‍ സൂം ആപ്പ് വ്യാപകമായി ഉപയോഗിച്ചിരുന്നത്. ഈ കാലഘട്ടത്തില്‍ കമ്ബനിക്ക് വന്‍ വളര്‍ച്ചയുണ്ടായി. എന്നാല്‍ കൊവിഡ് അവസാനിച്ചതിന് ശേഷം കമ്ബനി തകര്‍ച്ച നേരിട്ടു. ഇപ്പോഴുണ്ടായിരിക്കുന്ന സാമ്ബത്തിക പ്രതിസന്ധി നേരിടാനാണ് കമ്ബനി കൂട്ട പിരിച്ചുവിടല്‍ നടത്തിയിരിക്കുന്നത്.