ഗൂഗിള് ക്രോമിന്റെ പഴയ പതിപ്പ് ഉപയോഗിക്കുന്നവര്ക്ക് മുന്നറിയിപ്പുമായി കേന്ദ്രസര്ക്കാര്. പഴയ പതിപ്പുകള് ചൂഷണം ചെയ്യാന് വളരെ എളുപ്പമാണ്. അതിനാല്, ഗൂഗിള് ക്രോം ഉടന് തന്നെ അപ്ഡേറ്റ് ചെയ്യണമെന്നാണ് നിര്ദ്ദേശം. ഇത് സംബന്ധിച്ചുള്ള വിവരങ്ങള് ഇലക്ട്രോണിക്സ് ആന്ഡ് ഇന്ഫര്മേഷന് ടെക്നോളജി മന്ത്രാലയത്തിന് കീഴിലുള്ള ഇന്ത്യന് കമ്ബ്യൂട്ടര് എമര്ജന്സി റെസ്പോണ്സ് ടീം വെളിപ്പെടുത്തിയിട്ടുണ്ട്.
പഴയ വേര്ഷനിലുള്ള ഗൂഗിള് ക്രോം ഉപഭോക്താക്കളുടെ സ്വകാര്യത വിവരങ്ങളിലേക്കുള്ള ആക്സസ് നേടാന് വളരെ എളുപ്പമാണ്. ഇത് വലിയ സുരക്ഷാ ഭീഷണിയാണ് ഉയര്ത്തുന്നത്. കൂടാതെ, തട്ടിപ്പുകാര്ക്ക് എളുപ്പം സിസ്റ്റത്തിലേക്ക് നുഴഞ്ഞു കയറാനും, വിവരങ്ങള് ചോര്ത്താനും സാധിക്കുന്നതാണ്. വളരെ ലളിതമായ സ്റ്റെപ്പുകളിലൂടെ ഗൂഗിള് ക്രോം അപ്ഡേറ്റ് ചെയ്യാന് സാധിക്കും. ഗൂഗിള് ക്രോം യഥാക്രമം അപ്ഡേറ്റ് ചെയ്യുന്നതിലൂടെ പുതിയ വേര്ഷന് സിസ്റ്റത്തെ സംരക്ഷിക്കാനാകുന്നതാണ്.