ജയ്പൂര്: സെലിബ്രിറ്റി ക്രിക്കറ്റ് ലീഗില് കര്ണാടക ബുള്ഡോസേഴ്സിനോട് പരാജയപ്പെട്ട് കേരള സ്ട്രൈക്കേഴ്സ്. എട്ട് വിക്കറ്റിനാണ് കര്ണാടക കേരളത്തെ തോല്പ്പിച്ചത്. സിസിഎല്ലില് കേരള സ്ട്രൈക്കേഴ്സിന്റെ തുടര്ച്ചയായ രണ്ടാം തോല്വിയാണിത്.
ആദ്യം ബാറ്റ് ചെയ്ത കേരള സ്ട്രൈക്കേഴ്സ് അഞ്ച് വിക്കറ്റ് നഷ്ടത്തില് 101 റണ്സെടുത്തു. മറുപടി ബാറ്റിങ്ങിനിറങ്ങിയ കര്ണാടക അഞ്ച് വിക്കറ്റ് നഷ്ടത്തില് 124 റണ്സെടുക്കുകയായിരുന്നു . കര്ണാടക 23 റണ്സിന്റെ ലീഡ് നേടി. ബാറ്റിങ്ങിനിറങ്ങിയ കേരളം നിശ്ചിത 10 ഓവറില് അഞ്ച് വിക്കറ്റ് നഷ്ടത്തില് 105 റണ്സെടുത്തു. 83 റണ്സ് വിജയലക്ഷ്യം പിന്തുടര്ന്ന കര്ണാടക രണ്ട് വിക്കറ്റ് നഷ്ടത്തില് ലക്ഷ്യം മറികടന്നു.