സബ്‌സ്‌ക്രിപ്ഷന്‍ തുകയില്‍ മാറ്റങ്ങള്‍ വരുത്താനൊരുങ്ങി നെറ്റ്ഫ്ളിക്സ്. അതേസമയം, തിരഞ്ഞെടുത്ത രാജ്യങ്ങളിലെ ഉപഭോക്താക്കള്‍ക്ക് മാത്രമാണ് സബ്‌സ്‌ക്രിപ്ഷന്‍ തുകയില്‍ ഇളവുകള്‍ ലഭിക്കുകയുള്ളൂ എന്ന് നെറ്റ്ഫ്‌ലിക്‌സ് വ്യക്തമാക്കിയിട്ടുണ്ട്. കൂടുതല്‍ ഉപഭോക്താക്കളെ ആകര്‍ഷിക്കുന്നതിന്റെ ഭാഗമായാണ് സബ്‌സ്‌ക്രിപ്ഷന്‍ പ്ലാനില്‍ ഇളവുകള്‍ വരുത്തുന്നത്.
യമന്‍, ഇറാഖ്, ടുണീഷ്യ, ജോര്‍ദാന്‍, പലസ്തീന്‍, ലിബിയ, അള്‍ജീരിയ, ലെബനന്‍, സുഡാന്‍ തുടങ്ങിയ മിഡില്‍ ഈസ്റ്റ് രാജ്യങ്ങളിലാണ് ചെലവ് കുറഞ്ഞ നെറ്റ്ഫ്ളിക്സ് സബ്‌സ്‌ക്രിപ്ഷന്‍ പ്ലാന്‍ അവതരിപ്പിക്കുക. നിലവില്‍, ഈ രാജ്യങ്ങളില്‍ നെറ്റ്ഫ്ളിക്സ് സബ്‌സ്‌ക്രിപ്ഷന്റെ അടിസ്ഥാന നിരക്ക് 7.99 ഡോളറാണ്. പുതുക്കിയ നിരക്കുകള്‍ പ്രകാരം, അടിസ്ഥാന പ്ലാന്‍ ലഭിക്കാന്‍ 3 ഡോളര്‍ മാത്രം ചെലവാക്കിയാല്‍ മതിയാകും. കൂടാതെ, പ്രീമിയം പ്ലാനിന്റെ വില 11.99 ഡോളറില്‍ നിന്ന് 9.99 ഡോളറായി കുറച്ചിട്ടുണ്ട്. നിലവില്‍, ഇന്ത്യയില്‍ ഈ ആനുകൂല്യം ലഭിക്കുകയില്ല.