ഡല്ഹി: സൈബര് ക്രൈമുകള് ചെറുക്കാനും ആള്മാറാട്ട ഫോണ്കോളുകള് തിരിച്ചറിയാനും ട്രൂ കോളറുമായി സഹകരിക്കാനൊരുങ്ങി ഡല്ഹി പൊലീസ്. പൊലീസിന്റെ ഔദ്യോഗിക ഫോണ് നമ്ബറുകള് ട്രൂ കോളര് ആപ്ലിക്കേഷനില് നല്കി ജനങ്ങളെ ബോധവത്കരിക്കാനും ലക്ഷ്യമിടുന്നുണ്ട്.
കോവിഡ് മഹാമാരിയുടെ സമയത്ത് ധാരാളം സ്പാം ഫോണ് കോളുകള് തിരിച്ചറിഞ്ഞതു ട്രൂ കോളര് ആപ്ലിക്കേഷന്റെ സഹായത്തോടെയാണ്. ഓക്സിജന് സിലിണ്ടറുകളും മരുന്നുകളുമൊക്കെ ലഭ്യമാണെന്ന് അറിയിച്ചു കൊണ്ടു വ്യാജ കോളുകള് ധാരാളമായി ഇക്കാലത്തു വന്നിരുന്നു.
ഇത്തരം നമ്ബറുകള് തിരിച്ചറിഞ്ഞ് മുന്നറിയിപ്പ് നല്കാന് സഹായിച്ചതു ട്രൂ കോളര് ആപ്ലിക്കേഷനാണെന്നു പറയുന്നു ഡിസിപി സുമന് നല്വ. പൊലീസ് ഉദ്യോഗസ്ഥരെന്ന വ്യാജനേ ഫോണില് ബന്ധപ്പെട്ട് കബളിപ്പിച്ച സംഭവങ്ങളും ഉണ്ടായിട്ടുണ്ട്. ഇത്തരം തട്ടിപ്പുകള്ക്ക് അറുതി വരുത്താനാണ് ട്രൂ കോളറുമായി സഹകരിക്കുന്നത്.