കൊവിഡ് കാലത്ത് തകര്ന്നുപോയ ഒരു ചലച്ചിത്ര വ്യവസായത്തെ ട്രാക്കിലേത്ത് തിരിച്ചെത്തിക്കുന്നതില് മറ്റ് ഒന്നാംനിര താരങ്ങളൊക്കെ പരാജയപ്പെട്ടിടത്താണ് ഷാരൂഖ് ഖാന്റെ പഠാന് വിജയം നേടിയത്.
നാല് വര്ഷത്തെ ഇടവേളയ്ക്കു ശേഷമാണ് ഒരു ഷാരൂഖ് ചിത്രം തിയറ്ററുകളില് എത്തുന്നത് എന്നതും കൗതുകകരമാണ്. റിപബ്ലിക് ദിന തലേന്ന് തിയേറ്ററുകളിലെത്തിയ ചിത്രം ബോക്സ് ഓഫീസ് പല റെക്കോര്ഡുകളും തകര്ക്കുന്നുണ്ട്.
ആദ്യ മൂന്ന് ദിനങ്ങളില് ഇന്ത്യയില് നിന്ന് ചിത്രം നേടിയത് 201 കോടി ആയിരുന്നു. വിദേശ മാര്ക്കറ്റുകളില് നിന്ന് മറ്റൊരു 112 കോടി. അങ്ങനെ ആകെ ചിത്രത്തിന്റെ നേട്ടം 313 കോടി ആയിരുന്നു. ഇതില് ഹിന്ദി ചിത്രങ്ങളുടെ എക്കാലത്തെയും ബോക്സ് ഓഫീസ് മുന്നേറ്റം പരിഗണിക്കുമ്ബോള് ഇന്ത്യന് ബോക്സ് ഓഫീസില് 200 കോടി ക്ലബ്ബില് ഏറ്റവും വേഗത്തില് എത്തിയ ചിത്രം എന്ന പട്ടം ഇനി പഠാന് അവകാശപ്പെട്ടതാണ്. രണ്ട് തെന്നിന്ത്യന് ചിത്രങ്ങളുടെ ഹിന്ദി പതിപ്പുകളെ മറികടന്നാണ് ഷാരൂഖ് ഖാന് ചിത്രം ഈ നേട്ടം സ്വന്തമാക്കിയത്. കെജിഎഫ് 2 അഞ്ച് ദിനങ്ങളിലും ബാഹുബലി 2 ആറ് ദിവസം കൊണ്ടുമാണ് ഈ നേട്ടം സ്വന്തമാക്കിയിട്ടുള്ളത്.