ഇസ്ലാമാബാദ്: പാക് താലിബാന് എന്നറിയപ്പെടുന്ന തെഹ്രീക് ഇ താലിബാന് പാകിസ്ഥാന് (ടിടിപി) സ്വന്തം സര്ക്കാരിനെ പ്രഖ്യാപിച്ചു. പ്രതിരോധം, ഇന്ഫര്മേഷന്, പൊളിറ്റിക്കല് അഫയേഴ്സ്, സാമ്ബത്തികകാര്യം, വിദ്യാഭ്യാസം, ഇന്റലിജന്സ് എന്നീ മന്ത്രാലയങ്ങളിലേക്കുള്ള നിയമനങ്ങളും ടിടിപിയുടെ സര്ക്കാരില് നടന്നു. ഇതിന് പുറമേ സ്വന്തമായി കോടതി വ്യവസ്ഥയും ഭീകരര് രൂപീകരിച്ചു കഴിഞ്ഞു.
അതേസമയം, പ്രതിരോധ മന്ത്രാലയത്തിന്റെ ചുമതല അമേരിക്ക കൊടുംഭീകരനായി പ്രഖ്യാപിച്ച മുഫ്തി മുസാഹിമിനാണ്. സ്വന്തം അധികാര പ്രദേശത്തിന്റെ വിസ്തൃതി വര്ദ്ധിപ്പിക്കുന്നതിനായി ഖൈബര് പഖ്തൂണ്ഖ്വയെയും, ഗില്ജിത് ബാള്ട്ടിസ്ഥാനെയും ടിടിപി നോട്ടമിട്ടിട്ടുണ്ട്. എന്നാല്, ടിടിപി ഇവിടെ ഇടപെടല് ആരംഭിച്ചാല് ചൈനീസ് സഹായത്തോടെ പാകിസ്ഥാന് നടത്തുന്ന നിരവധി നിര്മ്മാണ പ്രവര്ത്തനങ്ങളെ ബാധിക്കാനിടയുണ്ട്. നിലവില് ഈ പ്രദേശങ്ങളിലെ വിഘടനവാദികള് ജോലിക്കെത്തുന്ന ചൈനീസ് ഉദ്യോഗസ്ഥന്മാരെ ആക്രമിക്കുന്നത് പതിവാണ്.
ടിടിപിയെ ഭീകരരായി മുദ്രകുത്തുന്നതില് നിന്ന് വിട്ടുനില്ക്കാന് ഭീകര നേതൃത്വം പാകിസ്ഥാന് ഉലമയോട് അടുത്തിടെ ഒരു വീഡിയോയില് അഭ്യര്ത്ഥിച്ചിരുന്നു. പാകിസ്ഥാനിലെ മതപണ്ഡിതന്മാരുടെ പിന്തുണ തേടുന്നതിനും ടിടിപി ലക്ഷ്യമിടുന്നുണ്ട്. പിന്തുണ ലഭിച്ചാല് പാകിസ്ഥാനിലെ വേരോട്ടം എളുപ്പമാകുമെന്നാണ് ടിടിപിയുടെ വിലയിരുത്തല്. ചാവേര് ആക്രമണങ്ങളിലൂടെ പാക് ഭരണകൂടത്തെ ഭയപ്പെടുത്താനും ടിടിപി ലക്ഷ്യമിടുന്നുണ്ട്.