ലിജോ ജോസ് പെല്ലിശ്ശേരിയുടെ മമ്മൂട്ടി ചിത്രം നന്പകല് നേരത്ത് മയക്കം ഉടന് തിയേറ്ററുകളിലേക്ക്. കേരള രാജ്യാന്തര ചലച്ചിത്രമേളയില് നടന്ന ചിത്രത്തിന്റെ വേള്ഡ് പ്രീമിയറിന് സിനിമാസ്വാദകരുടെ തള്ളിക്കയറ്റമാണ് ഉണ്ടായത്. എന്നാല്, ചിത്രം ഉടന് എത്തുമെന്നല്ലാതെ റിലീസ് തിയ്യതി അണിയറക്കാര് പ്രഖ്യാപിച്ചിട്ടില്ല.
വ്യത്യസ്ത തലത്തിലുള്ള അവതരണവും കഥാപാത്ര സൃഷ്ടിയുമാണ് ചിത്രത്തിന്റെ പ്രത്യേകത. മുന് ചിത്രങ്ങളില് നിന്ന് സമീപനത്തില് വ്യത്യസ്തതയുമായാണ് ലിജോ ചിത്രം ഒരുക്കിയിരിക്കുന്നത്. ജെയിംസ് എന്ന നാടകട്രൂപ്പ് ഉടമയെയാണ് മമ്മൂട്ടി അവതരിപ്പിക്കുന്നത്. മമ്മൂട്ടി തന്റെ കരിയറില് ഉതുവരെ അവതരിപ്പിച്ചിരിക്കുന്ന കഥാപാത്രങ്ങളില് നിന്ന് ഏറെ വ്യത്യസ്തമാണ് ജെയിംസ്. പ്രകടനത്തിലും ആ വൈവിധ്യം കൊണ്ടുവരാന് അദ്ദേഹത്തിന് സാധിച്ചിട്ടുണ്ട്. മമ്മൂട്ടി കമ്ബനിയുടെ പേരില് മമ്മൂട്ടി ആദ്യമായി നിര്മ്മിച്ച ചിത്രം കൂടിയാണ് നന്പകല് നേരത്ത് മയക്കം. ദുല്ഖര് സല്മാന്റെ വേഫെറെര് ഫിലിംസ് ആണ് ചിത്രം തിയേറ്ററുകളില് എത്തിക്കുക.
ചിത്രത്തിലെ പ്രധാന വേഷങ്ങളില് രമ്യ പാണ്ഡ്യന്, അശോകന്, കൈനകരി തങ്കരാജ്, സുരേഷ് ബാബു, ചേതന് ജയലാല്, അശ്വന്ത് അശോക് കുമാര്, രാജേഷ് ശര്മ്മ, അന്തരിച്ച തമിഴ് താരം പൂ രാമു തുടങ്ങിയവര് മറ്റു പ്രധാന കഥാപാത്രങ്ങളെ അവതരിപ്പിച്ചിരിക്കുന്നു.