ഇന്സ്റ്റഗ്രാമിലാണ് കൂടുതല് പേരും സ്റ്റോറികള് പങ്കുവെക്കാറ്. അത്തരത്തില് സ്റ്റോറികള് വയ്ക്കാന് ഇഷ്ടപ്പെടുന്നവര്ക്ക് സന്തോഷ വാര്ത്തയുമായാണ് ഇന്സ്റ്റഗ്രാം ഇപ്പോള് എത്തിയിരിക്കുന്നത്. റിപ്പോര്ട്ടുകള് പ്രകാരം, ‘കാന്ഡിഡ് സ്റ്റോറീസ്’ എന്ന പ്രത്യേക ഫീച്ചറാണ് പുതുതായി അവതരിപ്പിച്ചത്. ഈ ഫീച്ചറിനെ കുറിച്ച് കൂടുതല് അറിയാം.
കാന്ഡിഡ് സ്റ്റോറീസില് ഉപയോക്താക്കള് ചെയ്തുകൊണ്ടിരിക്കുന്ന കാര്യങ്ങള് അപ്പോള് തന്നെ ചിത്രമായോ, വീഡിയോ ആയോ സ്റ്റോറിയില് പങ്കുവയ്ക്കാന് സാധിക്കും. ഫില്റ്ററുകളും മറ്റ് തയ്യാറെടുപ്പുകളും ഒന്നുമില്ലാതെയാണ് ഈ ഫീച്ചറില് സ്റ്റോറികള് പോസ്റ്റ് ചെയ്യാന് കഴിയുന്നത്.
അതേസമയം, കാന്ഡിഡ് സ്റ്റോറികള് പങ്കുവയ്ക്കുമ്ബോള് നിങ്ങളെ പിന്തുടരുന്ന എല്ലാവര്ക്കും കാണാന് സാധിക്കുകയില്ല. മറിച്ച്, കാന്ഡിഡ് സ്റ്റോറികള് പങ്കുവയ്ക്കുന്ന മറ്റുള്ള ഇന്സ്റ്റാഗ്രാം യൂസര്ക്ക് മാത്രമാണ് നിങ്ങളുടെ സ്റ്റോറികള് കാണാന് സാധിക്കുകയുള്ളൂ. ഫേസ്ബുക്കിലും സമാന ഫീച്ചര് അവതരിപ്പിക്കാന് മെറ്റ ലക്ഷ്യമിടുന്നുണ്ട്.