മുസ്ലിം ലീഗ് എങ്ങനെയാണ് സിപിഎമ്മിന് മാലാഖയായി മാറിയതെന്ന് ബിജെപി സംസ്ഥാന അധ്യക്ഷന് കെ സുരേന്ദ്രന്. തിരുവനന്തപുരത്ത് നടന്ന ബിജെപി സംസ്ഥാന നേതൃയോഗത്തില് സംസാരിക്കുകയായിരുന്നു അദ്ദേഹം.
കെ. സുരേന്ദ്രന് പറഞ്ഞത്
‘ലീഗ് മതേതര പാര്ട്ടിയെന്ന് സിപിഎമ്മിന് എങ്ങനെയാണ് പറയാന് കഴിയുന്നത്? ലീഗിനെ ഇടതു മുന്നണിയില് ചേര്ക്കാനുള്ള അവസരവാദപരമായ നിലപാടാണിത്. യുഡിഎഫില് നിന്നു കൊണ്ട് എല്ഡിഎഫിനെ പിന്തുണയ്ക്കുന്ന പാര്ട്ടിയായി മുസ്ലിംലീഗ് മാറിയിരിക്കുന്നു. രക്തത്തിലും മജ്ജയിലും മാംസത്തിലും വര്ഗീയതയുള്ള പാര്ട്ടിയാണ് ലീഗ്. സിപിഐയും നാല് വോട്ടിനു വേണ്ടി നിലപാട് മാറ്റുകയാണോ? ഷാബാനു കേസിലെ ലീഗിന്റെ നിലപാട് എന്തായിരുന്നുവെന്ന് സിപിഎം മറക്കരുത്. അതേ നിലപാടാണ് ഇപ്പോഴും അവര്ക്കുള്ളത്. വിഭജന സമയത്ത് ഇന്ത്യാ വിരുദ്ധ സമീപനമാണ് അവര് കൈക്കൊണ്ടത്. അവസരവാദപരമായ രാഷ്ട്രീയമാണ് സിപിഎമ്മിനുള്ളത്. കച്ചവട പാര്ട്ടിയും സംഘടിത മത ശക്തിയുമായ ലീഗിനെ മുന്നണിയിലെടുക്കുമ്പോള് ഭൂരിപക്ഷ സമുദായത്തോട് എന്ത് സന്ദേശമാണ് സിപിഎം നല്കുക? ലീഗിന്റെ ഇടത് മുന്നണി പ്രവേശന കാര്യത്തില് സിപിഐയില് അടി തുടങ്ങി കഴിഞ്ഞു. സിപിഐയിലെ ഉന്നത നേതാവ് ലീഗിനെ പിന്തുണയ്ക്കുന്നു. ഇത് ഇവിടുത്തെ അടിസ്ഥാന ജനവിഭാഗത്തോടുള്ള വെല്ലുവിളിയാണ്. വര്ഗീയ ശക്തികളുമായി ചേര്ന്ന് ഇടതുപക്ഷം നടത്തുന്ന അവിശുദ്ധ കൂട്ടുകെട്ടിനെതിരെ ബിജെപി പ്രചരണം നടത്തും.’