അയാന്‍ മുഖര്‍ജി സംവിധാനം ചെയ്ത ബോളിവുഡ് ചിത്രം ‘ബ്രഹ്മാസ്ത്ര’ 360 കോടി ബോക്‌സ് ഓഫീസ് വിജയത്തില്‍ എത്തിയിരിക്കുകയാണ്. ഇപ്പോള്‍ പ്രേക്ഷകര്‍ക്ക് പുതിയ ഓഫറുമായി എത്തിയിരിക്കുകയാണ് ബ്രഹ്മാസ്ത്രയുടെ അണിയറപ്രവര്‍ത്തകര്‍.
നവരാത്രി ദിനത്തോടനുബന്ധിച്ച് നാളെ മുതല്‍ നാല് ദിവസത്തേയ്ക്ക് ടിക്കറ്റ് നിരക്ക് കുറച്ചുകൊണ്ടുള്ള ഓഫറാണ് സമ്മാനിച്ചിരിക്കുന്നത്. ടിക്കറ്റ് ഒന്നിന് 100 രൂപ മാത്രം നല്‍കിയാല്‍ മാതി. ജിഎസ്ടി ഉള്‍പ്പെടാതെയുള്ള നിരക്കാണ് ഇത്. 29 വരെയാണ് ടിക്കറ്റുകള്‍ ഈ നിരക്കില്‍ ലഭിക്കുക. മള്‍ട്ടിപ്ലെക്‌സ് അസോസിയേഷന്‍ ഓഫ് ഇന്ത്യ ദേശീയ ചലച്ചിത്ര ദിനവുമായി ബന്ധപ്പെട്ട് 23-ാം തിയ്യതി ഏത് ഷോയ്ക്കും 75 രൂപ നിരക്കല്‍ ടിക്കറ്റ് നല്‍കിയിരുന്നു. എന്നാല്‍, കേരളം, തമിഴ്നാട് ഉള്‍പ്പെടെ പല സംസ്ഥാനങ്ങളിലും ഈ ഓഫര്‍ ലഭ്യമായിരുന്നില്ല. ബ്രഹ്മാസ്ത്രയുടെ വിജയാഘോഷമായി ഈ ഓഫറിനെ കാണാം.