മുംബൈ: കേന്ദ്ര ആഭ്യന്തരമന്ത്രി അമിത് ഷായ്‌ക്കൊപ്പം സുരക്ഷാ ഉദ്യോഗസ്ഥൻ ചമഞ്ഞ് കയറിയ വ്യക്തി അറസ്റ്റിൽ. ഹേമന്ത് പവാർ എന്നയാളാണ് അറസ്റ്റിലായത്. അതീവ സുരക്ഷയുള്ളിടങ്ങളിലടക്കം ഇയാൾ പ്രവേശിച്ചുവെന്നാണ് ദേശീയ മാദ്ധ്യമങ്ങൾ റിപ്പോർട്ട് ചെയ്തു. ആന്ധ്രാപ്രദേശിലെ ഒരു എംപിയുടെ പേഴ്സണൽ സ്റ്റാഫാണ് പിടിയിലായതെന്നാണ് ലഭ്യമാകുന്ന വിവരം.
സുരക്ഷാ ക്രമീകരണങ്ങളുടെ മേൽനോട്ടക്കാരനെ പോലെയായിരുന്നു ഇയാൾ പെരുമാറിയിരുന്നത്. ഇയാൾ ആഭ്യന്തരമന്ത്രാലയത്തിന്റെ ഐഡി കാർഡും ധരിച്ചിരുന്നു. അതിനാൽ ആരും ഇയാളെ സംശയിച്ചിരുന്നില്ല. വലിയ സുരക്ഷാ വീഴ്ച്ചയാണ് ഉണ്ടായിരിക്കുന്നതെന്നാണ് അധികൃതർ പറയുന്നത്.