സാധാരണയായി ലൈവ് ലൊക്കേഷന് പങ്കുവെക്കേണ്ട ആവശ്യം വന്നാല് പലരും ഉടന് വാട്ട്സ്ആപ്പ് തുറക്കുകയാണ് ചെയ്യാറ്. ഗൂഗിള് മാപ് വഴി ലൈവ് ലൊക്കേഷന് പങ്കുവയ്ക്കാന് അറിയാത്തതുകൊണ്ടാണ് പലരും വാട്ട്സ്ആപ്പിനെ ആശ്രയിക്കുന്നത്. എന്നാല്, ഗൂഗിള് മാപ് വഴി എങ്ങനെയാണ് ലൈവ് ലൊക്കേഷന് പങ്കുവയ്ക്കുന്നതെന്ന് പരിശോധിക്കാം.
ഗൂഗിള് മാപ് വഴി ലൈവ് ലൊക്കേഷന് അയയ്ക്കുന്നതിനായി നിര്ബന്ധമായും ആപ്പില് നിങ്ങളുടെ മെയില് ഐ ഡി രജിസ്റ്റര് ചെയ്തിരിക്കണം. നിങ്ങളുടെ മെയില് ഐ ഡി ഉപയോഗിച്ച് ലോഗിന് ചെയ്ത ശേഷം നിങ്ങളുടെ പ്രൊഫൈല് പിക്ചറില് ടാപ് ചെയ്യുക. അപ്പോള് വരുന്ന ലിസ്റ്റില് നിന്നും ഷെയര് ലൈവ് ലൊക്കേഷന് എന്ന ഓപ്ഷന് തെരഞ്ഞെടുക്കുക.
തുടര്ന്ന് വരുന്ന ആഡ് പീപ്പിള് എന്ന ഓപ്ഷനില് ടാപ് ചെയ്ത് ആര്ക്കാണോ ലൈവ് ലൊക്കേഷന് ഷെയര് ചെയ്യേണ്ടത് അവരുടെ കോണ്ടാക്ട് അറ്റാച് ചെയ്യുക. എത്ര സമയത്തേക്കാണ് ലൈവ് ലൊക്കേഷന് പങ്കുവയ്ക്കേണ്ടതെന്ന് കൂടി നല്കിയ ശേഷം ഷെയര് എന്ന ഓപ്ഷന് തെരഞ്ഞെടുക്കുക. ഇതോടെ നിങ്ങള്ക്ക് ലൈവ് ലൊക്കേഷന് പരസ്പരം കാണാനാകും.