ഗുജറാത്ത് കലാപവുമായി ബന്ധപ്പെട്ട് വ്യാജരേഖ ചമച്ച കേസ്; ടീസ്റ്റ സെതൽവാദിനെ കസ്റ്റഡിയിലെടുത്ത് തീവ്രവാദ വിരുദ്ധ സ്‌ക്വാഡ്

On: June 26, 2022

മുംബൈ: സാമൂഹ്യപ്രവർത്തക ടീസ്റ്റ സെതൽവാദിനെ കസ്റ്റഡിയിലെടുത്ത് ഗുജറാത്ത് തീവ്രവാദ വിരുദ്ധ സ്‌ക്വാഡ്. ഗുജറാത്ത് കലാപവുമായി ബന്ധപ്പെട്ട് വ്യാജരേഖ ചമച്ച കേസുമായി ബന്ധപ്പെട്ടാണ് നടപടി.

ഉച്ചയോടെ മുംബൈയിലെ വീട്ടിൽ നിന്നാണ് ടീസ്റ്റയെ ഭീകര വിരുദ്ധ സേന കസ്റ്റഡിയിലെടുത്തത്. സാന്താക്രൂസ് പൊലീസ് സ്റ്റേഷനിലെത്തിച്ച ശേഷം ടീസ്റ്റ സെതൽവാദിനെ അഹമ്മദാബാദിലേക്ക് കൊണ്ടുപോയി.

വ്യാജരേഖ ചമയ്ക്കൽ, വ്യാജരേഖയോ ഇലക്ട്രോണിക് രേഖയോ യഥാർത്ഥമായി ഉപയോഗിക്കൽ എന്നീ വകുപ്പുകൾ പ്രകാരമാണ് ടീസ്റ്റയ്‌ക്കെതിരെ കേസെടുത്തിട്ടുള്ളത്. ടീസ്റ്റയുടെ അഭിഭാഷകനാണ് ഇക്കാര്യം അറിയിച്ചത്. 2002 ലെ ഗുജറാത്ത് കലാപവുമായി ബന്ധപ്പെട്ട് ടീസ്റ്റയുടെ എൻ.ജി.ഒ അടിസ്ഥാന രഹിതമായ വിവരങ്ങൾ പൊലീസിന് നൽകിയെന്ന് കേന്ദ്ര ആഭ്യന്തരമന്ത്രി അമിത് ഷാ വാർത്താ ഏജൻസിക്ക് നൽകിയ അഭിമുഖത്തിൽ പറഞ്ഞതിന് മണിക്കൂറുകൾക്കകമാണ് ഭീകര വിരുദ്ധ സേന ടീസ്റ്റയെ കസ്റ്റഡിയിലെടുത്തത്.

Previous Post: മൂന്ന് മാസത്തില്‍ താഴെയുള്ള കുട്ടികളെ അഭിനയിപ്പിക്കരുത്: ദേശീയ ബാലാവകാശ കമ്മീഷന്‍

Next Post: അക്രമി സംഘത്തിൽ ഉണ്ടായിരുന്നത് തന്റെ മുൻ പഴ്സനൽ സ്റ്റാഫ്; വിശദീകരണവുമായി ആരോഗ്യമന്ത്രി

അവയവക്കടത്ത്; മുഖ്യകണ്ണി കൊച്ചി വിമാനത്താവളത്തിൽ പിടിയിൽ

കൊച്ചി: അവയവക്കടത്ത് സംഘത്തിലെ മുഖ്യകണ്ണി അറസ്റ്റിൽ. തൃശ്ശൂർ വലപ്പാട് സ്വദേശി സബിത്ത് നാസർ ആണ് അറസ്റ്റിലായത്. നെടുമ്പാശ്ശേരി വിമാനത്താവളത്തിൽ നിന്നാണ് ഇയാളെ പിടികൂടിയത്. അവയവക്കച്ചവടത്തിനായി ആളുകളെ വിദേശത്തേയ്ക്ക് കടത്തിയ സംഘത്തിലെ പ്രധാന കണ്ണിയാണ് ഇയാൾ എന്നാണ് അധികൃതർ വ്യക്തമാക്കുന്നത്. ഇരകളെ കള്ളം പറഞ്ഞ് വിശ്വസിപ്പിച്ച് വിദേശത്തേക്ക് കടത്തുകയും പിന്നീട് വൃക്ക കച്ചവടം നടത്തുകയുമായിരുന്നു സംഘം ചെയ്തിരുന്നത്. ആദ്യം നെടുമ്പാശ്ശേരിയിൽ നിന്ന് കുവൈത്തിലേക്കും അവിടെ നിന്ന് ഇറാനിലേക്കുമാണ് ആളുകളെ കൊണ്ടുപോയിരുന്നത്. ഇങ്ങനെ അവയവക്കടത്തിനായി ആളുകളെ കൊണ്ടുപോയി തിരികെ വരുംവഴിയാണ് സബിത്ത് നാസർ പിടിയിലായത്. ഇയാൾക്കെതിരെ അവയവ കടത്ത് നിരോധന നിയമപ്രകാരം കേസെടുത്തതായി പോലീസ് അറിയിച്ചു. അന്താരാഷ്ട്ര മാഫിയയുടെ ഭാഗമാണ് ഇയാളെന്നാണ് പോലീസിന്റെ നിഗമനം. സംഭവത്തിൽ വിശദമായ അന്വേഷണം നടത്തുമെന്ന് പോലീസ് അറിയിച്ചു. കേസിൽ വരും ദിവസങ്ങളിൽ കൂടുതൽ പേർ കുടുങ്ങുമെന്നും അധികൃതർ വിലയിരുത്തുന്നു.
ഫോണിലേക്ക് അനാവശ്യമായി കോളുകൾ വരാറുണ്ടോ; പരിഹാരം ഉടനെന്ന് റിപ്പോർട്ട്

ഫോണിലേക്ക് അനാവശ്യമായി വരുന്ന കോളുകൾ സന്ദേശങ്ങളും വരാറുണ്ടോ. ഇങ്ങനെ ബുദ്ധിമുട്ടുന്നവർക്ക് ഇതാ ഒരു സന്തോഷ വാർത്ത. സ്പാം കോളുകളെയും സന്ദേശങ്ങളെയും നിയന്ത്രിക്കാനൊരുങ്ങുകയാണ് കേന്ദ്രസർക്കാരെന്നാണ് പുറത്തു വരുന്ന റിപ്പോർട്ടുകൾ. ഉപഭോക്താക്കളുടെ സമ്മതമില്ലാതെ വാണിജ്യ ആവശ്യങ്ങളുമായി ബന്ധപ്പെട്ട് വരുന്ന ഫോൺകോളുകൾക്കും സന്ദേശങ്ങൾക്കുമാണ് തടയിടുക. ഇതിനുള്ള മാർഗനിർദേശങ്ങളുടെ കരട് കേന്ദ്രസർക്കാർ തയ്യാറാക്കിയതായാണ് വിവരം. കരട് മാർഗനിർദേശങ്ങൾ തയ്യാറാക്കിയിരിക്കുന്നത് ഫെബ്രുവരിയിൽ ഉപഭോക്തൃ മന്ത്രാലയം രൂപം നൽകിയ സബ് കമ്മിറ്റിയാണ്. മെയ് 10ന് ഉപഭോക്തൃകാര്യ മന്ത്രാലയം രൂപീകരിച്ച കമ്മിറ്റിയുമായി ഇത് സംബന്ധിച്ച് ചർച്ച നടത്തിയിരുന്നു. ടെലികോം വകുപ്പ്, ട്രായ്, സെല്ലുലാർ ഓപ്പറേറ്റേഴ്‌സ് അസോസിയേഷൻ, ബിഎസ്എൻഎൽ, വോഡഫോൺ, റിലയൻസ്, എയർടെൽ എന്നിവരുടെ പ്രതിനിധികളും ചർച്ചയിൽ പങ്കെടുത്തു. വാണിജ്യ ആവശ്യങ്ങൾക്കായി ഉപഭോക്താക്കൾക്കെത്തുന്ന കോളുകളുടെ ഉപയോഗം, ആവശ്യവും അനാവശ്യവുമായവ വേർതിരിക്കാനും നിയമ ലംഘനം നടത്താത്തവയാണെന്ന് ഉറപ്പുവരുത്താനുമുള്ള മാർഗ നിർദേശങ്ങൾ ഇതിൽ ഉൾപ്പെടുന്നുവെന്ന വിവരവും പുറത്തു വരുന്നുണ്ട്.
വിവാദ തനിനിറവരകൾ(No:20)

ജി‌. ശേഖരന്‍ നായര്‍ : കാലത്തിനു മുമ്പേ കടന്നു പോയ കാർട്ടൂണുകൾ അടിയന്തിരാവസ്ഥ കാലത്ത് ഡൽഹിയിൽ നടന്ന അതിക്രമങ്ങളെ കുറിച്ച് അന്നെഷണം നടത്തി വന്നിരുന്ന ഷാ കമ്മീഷൻ ഇടക്ക് വച്ചു നിർത്താൻ ആലോചിച്ചു. ഇന്ദിരക്ക് ഇഷ്ടം ഇല്ലത്തതായിരുന്നു കാരണം
പ്രായപൂർത്തിയാകാത്ത പെൺകുട്ടിക്ക് നേരെ ലൈംഗിക അതിക്രമം; തൃണമൂൽ പ്രവർത്തകൻ അറസ്റ്റിൽ

കൊൽക്കത്ത: പ്രായപൂർത്തിയാകാത്ത പെൺകുട്ടിക്ക് നേരെ ലൈംഗിക അതിക്രമം നടത്തി തൃണമൂൽ കോൺഗ്രസ് നേതാവ്. പശ്ചിമ ബംഗാളിലെ സന്ദേശ്ഖാലിയിലാണ് സംഭവം. സംഭവവുമായി ബന്ധപ്പെട്ട് 20 കാരനായ തൃണമൂൽ പ്രവർത്തകനെ പൊലീസ് അറസ്റ്റ് ചെയ്തു. വീട്ടിൽ അതിക്രമിച്ച് കയറിയ പ്രതി എട്ടാം ക്ലാസുകാരിയെ ഉപദ്രവിക്കുകയായിരുന്നുവെന്നാണ് പെൺകുട്ടിയുടെ അമ്മ പോലീസിന് നൽകിയിരിക്കുന്ന മൊഴി. പ്രതിയുടെ കയ്യിൽ നിന്നും രക്ഷപ്പെട്ട് ഓടിയ പെൺകുട്ടി ബഹളം വച്ചതിനെത്തുടർന്ന് വീട്ടുകാരും അയൽവാസികളും സഹായത്തിനെത്തുകയായിരുന്നു. തുടർന്ന് പോലീസെത്തി പ്രതിയെ അറസ്റ്റ് ചെയ്തു. പെൺകുട്ടിയെ വൈദ്യ പരിശോധനകൾക്ക് വിധേയമാക്കി. ഇതിന്റെ റിപ്പോർട്ട് ഉടൻ ലഭ്യമാകുമെന്നും പ്രതിയെ കസ്റ്റഡിയിൽ ചോദ്യം ചെയ്ത് വരികയാണെന്നും പോലീസ് വ്യക്തമാക്കി. നേരത്തെ തൃണമൂൽ കോൺഗ്രസിന്റെ ഗുണ്ടാ നേതാവ് ഷാജഹാൻ ഷെയ്ഖിന്റെ നേതൃത്വത്തിൽ സന്ദേശ്ഖാലിയിൽ നടന്ന ലൈംഗിക അതിക്രമങ്ങൾ വലിയ പ്രതിഷേധങ്ങക്കിടയാക്കിയിരുന്നു. ഇതിന് പിന്നാലെയാണ് വീണ്ടും ഇത്തരത്തിലുള്ള വാർത്തകൾ പുറത്തു വരുന്നുണ്ട്.
റായ്ബറേലിയെ ഉപേക്ഷിച്ച സോണിയ മണ്ഡലം മകന് കൈമാറി; പരിഹാസവുമായി പ്രധാനമന്ത്രി

റാഞ്ചി: കോൺഗ്രസ് നേതാക്കാളായ സോണിയാ ഗാന്ധിയ്ക്കും രാഹുൽ ഗാന്ധിക്കുമെതിരെ ആഞ്ഞടിച്ച് പ്രധാനമന്ത്രി നരേന്ദ്രമോദി. റായ്ബറേലിയെ ഉപേക്ഷിച്ച സോണിയ മണ്ഡലം തന്റെ മകന് കൈമാറിയെന്ന് അദ്ദേഹം പരിഹസിച്ചു. മണ്ഡലത്തിൽ ദീർഘനാളായി പ്രവർത്തിച്ച ഒരു പാർട്ടി പ്രവർത്തകനെ കണ്ടെത്താൻ അവർക്കായില്ലേയെന്ന് അദ്ദേഹം ചോദിച്ചു. ജംഷേദ്പുരിലെ റാലിയിൽ സംസാരിക്കുകയായിരുന്നു അദ്ദേഹം. സോണിയ ഗാന്ധി കോവിഡിനു ശേഷം ഒരിക്കൽപോലും റായ്ബറേലി സന്ദർശിച്ചിട്ടില്ല. ഇപ്പോൾ അവർ സ്വന്തം മകനുവേണ്ടി വോട്ട് ചോദിക്കുകയാണ്. അവരുടെ കുടുംബസ്വത്തായിട്ടാണ് റായ്ബറേലിയെ അവർ കരുതുന്നതെന്ന് അദ്ദേഹം വിമർശിച്ചു. റായ്ബറേലിയിൽ മത്സരിക്കുന്നതിനായി കോൺഗ്രസിന്റെ രാജകുമാരൻ പറന്നെത്തിയിരിക്കുകയാണ്. ഇത് തന്റെ അമ്മയുടെ സീറ്റാണെന്ന് പറഞ്ഞ് നടക്കുകയാണ് അദ്ദേഹം. അച്ഛൻ പഠിച്ച അതേ സ്‌കൂളിൽ പഠിക്കാൻ പോകുന്ന എട്ടു വയസ്സുകാരൻ പോലും ഇത് തന്റെ അച്ഛന്റെ സ്‌കൂളാണെന്ന് പറയില്ല. എന്നാൽ, ഈ കുടുംബം പാർലമെന്റ് സീറ്റുകളുടെ വിൽപ്പത്രം എഴുതിവയ്ക്കുകയാണ്. ഇത്തരം പാർട്ടികളിൽ നിന്ന് ജാർഖണ്ഡിനെ രക്ഷിക്കണമെന്ന് നരേന്ദ്ര മോദി ആഹ്വാനം ചെയ്തു.