തിരുവനന്തപുരം: വിമാനത്തിനുള്ളില് വെച്ച് മുഖ്യമന്ത്രിക്കെതിരെ പ്രതിഷേധിച്ച മൂന്ന് പ്രതികള്ക്കും ജാമ്യം അനുവദിച്ച് ഹൈക്കോടതി. ഫര്സീന് മജീദിനും നവീന് കുമാറിനും ജാമ്യവും സുജിത് നാരായണന് മുന്കൂര് ജാമ്യവുമാണ് ലഭിച്ചത്.
കണ്ണൂരില് നിന്ന് തിരുവനന്തപുരത്തേക്കുള്ള വിമാനയാത്രയ്ക്കിടെയാണ് യൂത്ത് കോണ്ഗ്രസ് പ്രവര്ത്തകര് മുഖ്യമന്ത്രിക്കെതിരെ പ്രതിഷേധവുമായെത്തിയത്. തിരുവനന്തപുരത്ത് ലാന്ഡ് ചെയ്ത ശേഷമായിരുന്നു പ്രതിഷേധം. എല്ഡിഎഫ് കണ്വീനര് ഇ.പി ജയരാജന് ഇവരെ തള്ളി മാറ്റുന്നതിന്റെ വീഡിയോ ദൃശ്യവും പിന്നീട് പുറത്തു വന്നിരുന്നു.
അതേസമയം, 36 പേരാണ് കണ്ണൂരില് നിന്ന് തിരുവനന്തപുരത്തേക്ക് വിമാനത്തില് യാത്രക്കാരായി ഉണ്ടായിരുന്നത്. പൈലറ്റും സഹപൈലറ്റും രണ്ട് കാബിന് ക്രൂവും ഉള്പ്പെടെ 40 പേര് ഉണ്ടായിരുന്നു.