ന്യൂഡല്ഹി: കോമണ്വെല്ത്ത് ഗെയിംസ് ഹോക്കിക്കായുള്ള ഇന്ത്യന് ടീമിനെ പ്രഖ്യാപിച്ചു. മലയാളി താരം പി ആര് ശ്രീജേഷും 18 അംഗ ടീമിലുണ്ട്. മന്പ്രീത് സിംഗാണ് 18 അംഗ ടീമിന്റെ നായകന്. ഹര്മന്പ്രീത് സിംഗ് ആണ് വൈസ് ക്യാപ്റ്റന്.
അതേസമയം, എഫ് ഐ എച്ച് പ്രോ ലീഗില് കളിച്ച ഗോള് കീപ്പര് സരാജ് കര്ക്കേറ, ഫോര്വേര്ഡ് ഷിലാന്ഡ ലക്ര, സുഖ്ജീത് സിംഗ് എന്നിവര് ടീമിലില്ല. ഏഷ്യന് ഗെയിംസില് ശ്രദ്ധകേന്ദ്രീകരിക്കാനായി കോമണ്വെല്ത്ത് ഗെയിസില് രണ്ടാം നിര ടീമിനെ അയക്കാനായിരുന്നു ഹോക്കി ഇന്ത്യ ആദ്യം തീരുമാനിച്ചിരുന്നത്.
പൂള് ബിയില് ഇംഗ്ലണ്ട്, കാനഡ,വെയില്സ്,ഘാന എന്നിവരോടാണ് ഇന്ത്യ മാറ്റുരയ്ക്കുക. ജൂലൈ 28ന് ആരംഭിക്കുന്ന ഗെയിംസില് ഘാനയ്ക്കെതിരെ ജൂലൈ 31നാണ് ഇന്ത്യയുടെ ആദ്യ മത്സരം. കോമണ്വെല്ത്ത് ഗെയിംസ് ഹോക്കിയില് ഇന്ത്യ രണ്ട് തവണ വെള്ളി നേടിയിട്ടുണ്ട്. 2018ല് ഗോള്ഡ് കോസ്റ്റില് നടന്ന കോമണ്വെല്ത്ത് ഗെയിംസില് ഇന്ത്യ ഹോക്കിയില് നാലാം സ്ഥാനത്താണ് ഫിനിഷ് ചെയ്തത്. ക്യാപ്റ്റന് മന്പ്രീത് സിംഗിന്റെ നേതൃത്വത്തിലിറങ്ങിയ സംഘം കഴിഞ്ഞ വര്ഷം ടോക്കിയോ ഒളിംപിക്സില് വെങ്കലം സ്വന്തമാക്കിയിരുന്നു.