പുനെ: ഐപിഎല്ലില് പഞ്ചാബ് കിംഗ്സിനെ 20 റണ്സിന് തകര്ത്ത് ലഖ്നൗ സൂപ്പര് ജയന്റ്സ് പോയന്റ് പട്ടികയില് മൂന്നാം സ്ഥാനത്തേക്ക് കയറി.
154 റണ്സ് വിജയലക്ഷ്യം പിന്തുടര്ന്ന പഞ്ചാബിന് മികച്ച തുടക്കം ലഭിച്ചെങ്കിലും അത് മുതലാക്കാനാവാതെ 20 ഓവറില് എട്ട് വിക്കറ്റ് നഷ്ടത്തില് 133 റണ്സില് പോരാട്ടം അവസാനിപ്പിച്ചു. ജയത്തോടെ ഒമ്ബത് കളികളില് 12 പോയന്റുമായാണ് ലഖ്നൗ പ്ലേ ഓഫ് പ്രതീക്ഷകള് സജീവമാക്കി മൂന്നാം സ്ഥാനത്തെത്തിയത്. ഒമ്ബത് മത്സരങ്ങളില് എട്ട് പോയന്റുള്ള പഞ്ചാബ് ഏഴാം സ്ഥാനത്ത് തുടരുന്നു. സ്കോര് ലഖ്നൗ സൂപ്പര് ജയന്റ്സ് 20 ഓവറില് 153-8, പഞ്ചാബ് കിംഗ്സ് 20 ഓവറില് 133-8.