സ്വന്തമായി ഒടിടി പ്ലാറ്റ്ഫോം ആരംഭിക്കാനൊരുങ്ങി കിംഗ് ഖാന്. എസ്ആര്കെ പ്ലസ് എന്നാണ് ഷാരൂഖിന്റെ ഒടിടി പ്ലാറ്റ്ഫോമിന്റെ പേര്. ‘ഇനി ഒടിടി ലോകത്ത് ചിലതൊക്കെ സംഭവിക്കും’ എന്നായിരുന്നു ഷാരൂഖ് ഖാന് സമൂഹമാധ്യമങ്ങളില് കുറിച്ചത്. ഒടിടി പ്ലാറ്റ്ഫോമിന്റെ ലോഗോയും അദ്ദേഹം പങ്കുവച്ചിട്ടുണ്ട്.
സല്മാന് ഖാന് അടക്കമുള്ളവര് ഷാരൂഖിന്റെ പുതിയ സംരംഭത്തിന് ആശംസകളുമായെത്തി. കരണ് ജോഹര്, അനുരാഗ് കശ്യപ്, തുടങ്ങിയവരും ഷാരൂഖിന് ആശംസയുമായി രംഗത്തെത്തി.
അതേസമയം, പത്താന് എന്ന ഷാരൂഖ് ഖാന് ചിത്രം അടുത്ത വര്ഷം ജനുവരി 25ന് ലോകമെമ്പാടും റിലീസ് ചെയ്യാനിരിക്കുകയാണ്. ദീപിക പദുകോണ്, ജോണ് എബ്രഹാം എന്നിവരും സിനിമയില് പ്രധാന കഥാപാത്രങ്ങളെ അവതിപ്പിക്കുന്നുണ്ട്. സിദ്ധാര്ഥ് ആനന്ദാണ് പത്താനിന്റെ സംവിധായകന്. സല്മാന് ഖാനും സിനിമയില് അതിഥി വേഷത്തില് എത്തുന്നുണ്ടെന്നാണ് റിപ്പോര്ട്ടുകള്. 2018ല് പുറത്തെത്തിയ ‘സീറോ’യ്ക്കുശേഷമാണ് ഒരു ഷാരൂഖ് ഖാന് ചിത്രം റിലീസ് ചെയ്യുന്നത്.