മനുഷ്യ ശരീരത്തിലെ പ്രധാന അവയവമാണ് മസ്തിഷ്കം. അതിനാൽ തന്നെ തലച്ചോറിന്റെ ആരോഗ്യം വളരെ പ്രധാനമാണ്. തെറ്റായ ഭക്ഷണക്രമം തലച്ചോറിന്റെ ആരോഗ്യത്തെ ദോഷകരമായി ബാധിക്കും. മസ്തിഷ്കത്തെ ഉത്തേജിപ്പിക്കുന്ന ഭക്ഷണങ്ങൾ ഏതൊക്കെയാണെന്ന് നോക്കാം.
- ഡാർക്ക് ചോക്ലേറ്റ്
മസ്തിഷ്കത്തിന്റെ ആരോഗ്യത്തിന് ഏറ്റവും ഉത്തമമായ ഭക്ഷണങ്ങളിലൊന്നാണ് ഡാർക്ക് ചോക്ലേറ്റ്. ഇരുമ്പും ആന്റിഓക്സിഡന്റും ഡാർക്ക് ചോക്ലേറ്റിൽ ധാരാളം അടങ്ങിയിട്ടുണ്ട്. ഡാർക്ക് ചോക്ലേറ്റ് പതിവായി കഴിക്കുന്നത് മികച്ച മാനസികാവസ്ഥയുമായി ശക്തമായി ബന്ധപ്പെട്ടിരിക്കുന്നു. 2019-ലെ സർവേ പ്രകാരം, ഡാർക്ക് ചോക്ലേറ്റ് പതിവായി കഴിക്കുന്നത് വിഷാദ രോഗലക്ഷണ സാധ്യത കുറയ്ക്കുമെന്നും പഠനത്തിൽ തെളിഞ്ഞിട്ടുണ്ട്.
- പുളിപ്പിച്ച ഭക്ഷണങ്ങൾ
പുളിപ്പിച്ച ഭക്ഷണങ്ങൾ ഓർമ്മശക്തി മെച്ചപ്പെടുത്തുമെന്ന് 2016 ൽ നടത്തിയ പഠനത്തിൽ തെളിഞ്ഞിട്ടുണ്ട്. ഉത്കണ്ഠ കുറയ്ക്കുന്ന നല്ല ബാക്ടീരിയകളുടെ ഉറവിടങ്ങളാണ് പുളിപ്പിച്ച ഭക്ഷണങ്ങൾ.
- ഇലക്കറികൾ
ആരോഗ്യത്തിന് ഏറെ ഗുണകരമാണ് ഇലക്കറികൾ. തലച്ചോറിന്റെ ആരോഗ്യം മെച്ചപ്പെടുത്താൻ പച്ച നിറത്തിലെ ഇലക്കറികൾ പതിവായി കഴിക്കുന്നത് ശീലമാക്കുന്നത് നല്ലതാണ്.
- നട്സ്
ബദാം, വാൾനട്ട്, കശുവണ്ടി, ബ്രസീൽ നട്സ് എന്നിവ ആരോഗ്യകരമായ കൊഴുപ്പുകളുടെ സമ്പന്നമായ ഉറവിടങ്ങളാണ്. ഇത് തലച്ചോറിന്റെ പ്രവർത്തനത്തെ പിന്തുണയ്ക്കുകയും സന്ധികളെ ലൂബ്രിക്കേറ്റ് ചെയ്യുകയും ഹൃദയത്തെ ആരോഗ്യകരമാക്കുകയും ചെയ്യുന്നു. വാൾനട്ടിൽ കാണപ്പെടുന്ന ഒമേഗ-3 ഫാറ്റി ആസിഡുകൾക്ക് ആന്റി-ഇൻഫ്ളമേറ്ററി, ആന്റിഓക്സിഡന്റ് ഗുണങ്ങളുണ്ട്. അവ ഓർമ്മശക്തിയും ചിന്തയും മെച്ചപ്പെടുത്താൻ സഹായിക്കും.

