പെഷവാർ: പാകിസ്താനിൽ പളളിയിൽ ചാവേർ ആക്രമണം. 30 പേരാണ് ആക്രമണത്തിൽ കൊല്ലപ്പെട്ടത്. പെഷവാറിലെ കിസ ഖ്വാനി ബസാർ മേഖലയിലെ പളളിയിലാണ് ആക്രമണം നടന്നത്. വെളളിയാഴ്ച പ്രാർത്ഥന നടക്കുന്ന സമയത്താണ് ആക്രമണം നടന്നത്. പളളിയിൽ കാവൽ നിന്നിരുന്ന പോലീസുകാർക്ക് നേരെ വെടിയുതിർത്ത ചാവേറുകൾ പളളിയുടെ ഉള്ളിൽ കടന്ന സ്‌ഫോടനം നടത്തുകയായിരുന്നു.
ചാവേറുകൾ വെടിവെച്ചതിൽ ഒരു പോലീസുകാരൻ മരണപ്പെട്ടു. ഒരാൾക്ക് ഗുരുതര പരിക്കേൽക്കുകയും ചെയ്തിട്ടുണ്ട്. ബോംബ് സ്ഫോടനത്തിൽ മരിച്ച 30 പേരുടെ മൃതദേഹം ആശുപത്രിയിൽ സൂക്ഷിച്ചിട്ടുണ്ടെന്ന് അധികൃതർ അറിയിച്ചു. 56 പേർക്ക് ഗുരുതരമായി പരിക്കേറ്റിട്ടുണ്ട്. ആക്രമികൾ ഏത് സംഘടനയിൽ പെട്ടവരാണെന്നോ ആക്രമണ ഉദ്ദേശ്യമെന്തെന്നോ ഇതുവരെ കണ്ടെത്തിയിട്ടില്ല.