ഫറ്റോര്ഡ: ഐഎസ്എല്ലില് നോര്ത്ത് ഈസ്റ്റ് യുനൈറ്റഡിനെ ഒന്നിനെതിരെ മൂന്ന് ഗോളുകള്ക്ക് പരാജയപ്പെടുത്തി എടികെ മോഹന് ബഗാന് രണ്ടാമതെത്തി. ജോണി കൗകോ, ലിസ്റ്റണ് കൊളാക്കോ, മന്വീര് സിംഗ് എന്നിവരാണ് എടികെയുടെ ഗോളുകള് നേടിയത്. മലയാളി താരം വി പി സുഹൈറിന്റെ വകയായിരുന്നു നോര്ത്ത് ഈസ്റ്റിന്റെ ഏക ഗോള്.
നോര്ത്ത് ഈസ്റ്റാണ് മത്സരത്തില് ആദ്യം ലീഡെടുത്തത്. മാഴ്സലീഞ്ഞോയുടെ സഹായത്തിലായിരുന്ന സുഹൈറിന്റെ ഗോള്. എന്നാല്, അഞ്ച് മിനിറ്റ് മാത്രമായിരുന്നു ആഘോഷത്തിന് ആയുസ്. കോളാക്കോയുടെ അസിസ്റ്റില് കൗകോ സമനില ഗോള് നേടി. 45-ാം മിനിറ്റില് രണ്ടാം ഗോളുമെത്തി. ഇത്തവണ ആദ്യ ഗോളിന്റെ സഹായത്തിന് കൗകോ നന്ദി പറഞ്ഞു. കോളാക്കോ വല കുലുക്കുകയും ചെയ്തു. 52-ാം മിനിറ്റില് മന്വീറിന്റെ വക മൂന്നാം ഗോള്. എടികെ പട്ടിക പൂര്ത്തിയാക്കി.
ജയത്തോടെ എടികെക്ക് 14 മത്സരങ്ങളില് 26 പോയിന്റായി. 17 മത്സരങ്ങളില് 10 പോയിന്റുമായി നോര്ത്ത് ഈസ്റ്റ് അവസാന സ്ഥാനത്ത് തുടരുന്നു