ഐപിഎല് മെഗാ താരലേലം ഇന്ന് തുടങ്ങി. രണ്ട് ദിവസത്തെ ലേലത്തില് 600 താരങ്ങള് ആണ് ഉള്ളത്. പത്ത് ടീമുകള് ആണ് ഇത്തവണ മത്സരിക്കുന്നത്. കഴിഞ്ഞ സീസണില് ബാംഗളൂര് ടീമില് തകര്പ്പന് ബാറ്റിംഗ് നടത്തിയ ദേവ്ദത്ത് പടിക്കലിനെ 7.75 കോടി രൂപക്ക് രാജസ്ഥാന് റോയല്സ് സ്വന്തമാക്കി. വാശിയേറിയ ലേലത്തില് പടിക്കലിനായി ബാംഗളൂരും, ചെന്നൈയും ഉണ്ടായിരുന്നു.
അഞ്ച് കോടി രൂപ നല്കി വെറ്ററന് സ്പിന്നര് ആര്. അശ്വിനെ രാജസ്ഥാന് സ്വന്തമാക്കിയപ്പോള് പഞ്ചാബ് കിംഗ്സ് ഇന്ത്യന് ഓപ്പണര് ശിഖര് ധവാനെ 8.25 കോടിക്ക് സ്വന്തമാക്കി. 7.25 കോടി നല്കി ഓസ്ട്രേലിയന് ടെസ്റ്റ് ടീം ക്യാപ്റ്റന് പാറ്റ് കമ്മിന്സിനെ കൊല്ക്കത്ത നൈറ്റ് റൈഡേഴ്സ് സ്വന്തമാക്കി. ദക്ഷിണാഫ്രിക്കന് പേസര് കഗീസോ റബാഡയെ 9.25 കോടി രൂപയ്ക്ക് കിംഗ്സ് ഇലവന് പഞ്ചാബ് ടീമിലെത്തിച്ചു. 12.25 കോടി രൂപക്ക് ശ്രേയസ് അയ്യറിനെ കെകെആര് സ്വന്തമാക്കി. ന്യൂസിലന്ഡ് പേസര് ബോള്ട്ടിനെ രാജസ്ഥാന് റോയല്സ് എട്ട് കോടി രൂപയ്ക്ക് സ്വന്തമാക്കി.
ലേലത്തില് ക്വിന്റണ് ഡി കോക്കിനെ ലഖ്നൗ സൂപ്പര് ജയന്റ്സ് സ്വന്തമാക്കി. 6.75 കോടി രൂപയ്ക്കാണ് അവര് താരത്തെ സ്വന്തമാക്കിയത്. ഡ്വെയ്ന് ബ്രാവോയെ ഇത്തവണയും ചെന്നൈ സൂപ്പര് കിംഗ്സിന് 4.4 കോടി രൂപയ്ക്ക് വാങ്ങിച്ചു. ഹര്ഷല് പട്ടേലിനെ 10.75 കോടി രൂപയ്ക്ക് റോയല് ചലഞ്ചേഴ്സ് ബാംഗ്ലൂര് സ്വന്തമാക്കിയപ്പോള് ജേസണ് ഹോള്ഡറെ 8.75 കോടി രൂപയ്ക്ക് ലഖ്നൗ സൂപ്പര് ജയന്റ്സ് സ്വന്തമാക്കി. നിതീഷ് റാണയെ 8 കോടി രൂപയ്ക്ക് കൊല്ക്കത്ത നൈറ്റ് റൈഡേഴ്സ് സ്വന്തമാക്കി