ധാരാളം പോഷക ഘടകങ്ങൾ അടങ്ങിയിട്ടുള്ള ഒന്നാണ് മുട്ട. പ്രോട്ടീനുകളും വിറ്റാമിനുകളും മിനറലുകളുമെല്ലാം മുട്ടയിലുണ്ട്. മുട്ട കഴിക്കുന്നത് ആരോഗ്യത്തിന് വളരെ നല്ലതാണെങ്കിലും മുട്ടക്കൊപ്പം കഴിക്കാൻ പാടില്ലാത്ത ചില ഭക്ഷണവസ്തുക്കളുണ്ട്. അവ ഏതൊക്കെയാണെന്ന് നോക്കാം.
- പഞ്ചസാര
മുട്ടയും പഞ്ചസാരയും ഒരുമിച്ച് കഴിക്കുന്നത് നല്ലതല്ല. ഇവ രണ്ടും ഒരുമിച്ച് കഴിക്കുമ്പോൾ രണ്ട് ഭക്ഷണങ്ങളും അമിനോ ആസിഡ് പുറത്ത് വിടും. ഇത് മനുഷ്യ ശരീരത്തിന് വളരെയേറെ ദോഷകരമാണ്. രക്തം കട്ടപിടിക്കാനും ഇത് കാരണമാകും.
- സോയ മിൽക്ക്
സോയ മിൽക്കും മുട്ടയും ഒരുമിച്ച് കഴിച്ചാൽ പ്രോട്ടീനുകൾ ശരീരത്തിൽ പിടിക്കുന്നതിന് പ്രയാസമുണ്ടാകും. അതിനാൽ തന്നെ സോയ മിൽക്കും മുട്ടയും ഒരുമിച്ച് കഴിക്കരുതെന്നാണ് ആരോഗ്യ വിദഗ്ധർ പറയുന്നത്.
- പഴം
പുഴുങ്ങിയ ഏത്തപ്പഴവും, മുട്ടയും എല്ലാവരും കഴിക്കാറുണ്ട്. എന്നാൽ ഇത് ആരോഗ്യത്തിന് ദോഷമാണെന്നാണ് പറയപ്പെടുന്നത്. ജിമ്മിൽ പോകുന്നവരും, വ്യായാമങ്ങൾ ചെയ്യുന്നവരും ഈ കോമ്പിനേഷൻ ഒഴിവാക്കാൻ ശ്രദ്ധിക്കണം.
- ബേക്കൺ
ബേക്കണും മുട്ടയും ഒരുമിച്ച് കഴിക്കരുത്. മുട്ടയിൽ ധാരാളം പ്രോട്ടീനും, ബേക്കണിൽ ധാരാളം ഫാറ്റും അടങ്ങിയിട്ടുണ്ട്. ഇത് പെട്ടന്ന് തന്നെ ശരീരത്തിലെ ഊർജ്ജം വർധിക്കാനും, പിന്നീട് പെട്ടെന്ന് കുറയാനും കാരണമാകും. ഇത് ആരോഗ്യത്തിന് നല്ലതല്ല.
- ചായ
ചായയും മുട്ടയും ഒന്നിച്ച് കഴിക്കരുത്. ഇത് ശരീരത്തിലെ അവയവങ്ങളെ ബാധിക്കും. മലബന്ധത്തിനും ഇത് കാരണമാകാം.