ഫറ്റോര്ഡ: ഐഎസ്എല്ലില് നാര്ത്ത് ഈസ്റ്റ് യുനൈറ്റഡിനെ ഒന്നിനെതിരെ രണ്ട് ഗോളുകള്ക്ക് പരാജയപ്പെടുത്തി കേരളാ ബ്ലാസ്റ്റേഴ്സ്. രണ്ടാം പകുതിയില് നേടിയ രണ്ട് ഗോളുകള്ക്കാണ് ബ്ലാസ്റ്റേഴ്സ് വിജയം കുറിച്ചത്.
62ാം മിനിറ്റില് പെരെയ്ര ഡയസും 82ാം മിനിറ്റില് വാസ്കെസുമാണ് വിജയ ഗോള് നേടിയത്. രണ്ടാം പകുതിയില് 70ാം മിനിറ്റില് രണ്ടാം മഞ്ഞക്കാര്ഡ് കണ്ട് ആയുഷ് അധികാരി പുറത്തു പോയിട്ടും ആധികാരിക വിജയത്തോടെ ബ്ലാസ്റ്റേഴ്സ് പോയിന്റ് പട്ടികയില് രണ്ടാമതെത്തി. മത്സരം അവസാനിക്കാന് നിമിഷങ്ങള് ബാക്കി നില്ക്കെ മലയാളി താരം മുഹമ്മദ് ഇര്ഷാദ് തൈവളപ്പിലാണ് നോര്ത്ത് ഈസ്റ്റിന്റെ ആശ്വാസ ഗോള് നേടിയത്.