ന്യൂഡല്ഹി: കൊവിഡ് വ്യാപന പശ്ചാത്തലത്തില് മാറ്റിവച്ച സന്തോഷ് ട്രോഫി മത്സരങ്ങള് ഏപ്രില് മൂന്നാം വാരം തുടങ്ങി മെയ് തുടക്കത്തില് അവസാനിക്കുന്ന രീതിയില് ക്രമീകരിക്കും. അടുത്തമാസം സ്ഥിതിഗതികള് വിലയിരുത്തി പുതുക്കിയ തിയ്യതി പ്രഖ്യാപിക്കും. ഫെബ്രുവരി 20 മുതല് മാര്ച്ച് 6 വരെ മഞ്ചേരി പയ്യനാട് സ്റ്റേഡിയം, മലപ്പുറം കോട്ടപ്പടി സ്റ്റേഡിയം എന്നിവിടങ്ങളിലായി ആണ് ടൂര്ണമെന്റ് നടത്താന് തീരുമാനിച്ചിരുന്നത്.
ടൂര്ണമെന്റ് മാറ്റി വെച്ചെങ്കിലും ഗ്രൗണ്ട് പരിപാലനവും മറ്റും പറഞ്ഞ സമയത്ത് പൂര്ത്തിയാക്കുമെന്നും കമ്മിറ്റികളുടെ പൊതുവായിട്ടുള്ള പ്രവര്ത്തനങ്ങള് തുടരുമെന്നും ഓര്ഗനൈസിംങ് കമ്മിറ്റി കണ്വീനര് എ ശ്രീകുമാര് അറിയിച്ചു. കോവിഡ് കേസുകള് മാറ്റമില്ലാതെ തുടരുന്ന സാഹചര്യത്തില് അഖിലേന്ത്യ ഫുട്ബോള് ഫെഡേഷന് കേരള സര്ക്കാറുമായി കൂടി അലോചിച്ചാണ് മാറ്റിവെക്കാന് തീരുമാനിച്ചത്.