അബുദാബി: അബുദാബിയിലെ അല് മുസഫയിലുണ്ടായ സ്ഫോടനത്തില് മൂന്ന് പെട്രോള് ടാങ്കറുകള് പൊട്ടിത്തെറിച്ചു. അബുദാബി വിമാനത്താവളത്തിന് നേരെയും ആക്രമണമുണ്ടായി. രണ്ടിടങ്ങളിലായുള്ള തീപിടിത്തത്തിന് കാരണം ഡ്രോണ് ആക്രമണമാണെന്നാണ് അബുദാബി പോലീസിന്റെ പ്രാഥമിക നിഗമനം.രണ്ട് ഇന്ത്യക്കാരടക്കം മൂന്ന് പേര് കൊല്ലപ്പെട്ടു, ആറുപേര്ക്ക് പരിക്ക്
എണ്ണ കമ്പനിയായ അഡ്നോകിന്റെ സംഭരണശാലയ്ക്ക് സമീപത്ത് നിന്നും പെട്രോളിയം ഉത്പന്നങ്ങളുമായി പോകുകയായിരുന്ന എണ്ണ ടാങ്കറുകളാണ് സ്ഫോടനത്തില് പൊട്ടിത്തെറിച്ചത്. അബുദാബി അന്താരാഷ്ട്ര വിമാനത്താവളത്തിന്റെ പുതിയ നിര്മാണ മേഖലയിലും തീപിടിത്തമുണ്ടായി.
ആക്രമണത്തിന്റെ ഉത്തരവാദിത്വം യെമന് ഹൂതി വിമതര് ഏറ്റെടുത്തതായി വാര്ത്താ ഏജന്സികള് റിപ്പോര്ട്ട് ചെയ്തു. അധികൃതര് വിശദമായ അന്വേഷണം ആരംഭിച്ചിട്ടുണ്ട്.