മലയാളികളുടെ പ്രിയപ്പെട്ട സംവിധായകനാണ് ലാല്ജോസ്. മമ്മൂട്ടിയും ദിവ്യ ഉണ്ണിയും പ്രധാന കഥാപാത്രങ്ങളെ അവതരിപ്പിച്ച ഒരു മറവത്തൂര് കനവ് എന്ന ചിത്രമാണ് ലാല് ജോസിന്റെ സംവിധാനത്തില് പിറന്ന ആദ്യ സിനിമ.
എന്നാല്, ദിവ്യക്ക് പകരം മഞ്ജു വാര്യര് ആയിരുന്നു നായിക ആകേണ്ടിയിരുന്നതെന്നും ചില കാരണങ്ങളാല് മഞ്ജു പിന്മാറുകയായിരുന്നെന്നും വെളിപ്പെടുത്തിയിരിക്കുകയാണ് ലാല് ജോസ് ഇപ്പോള്. ‘എന്തു ചെയ്യുമെന്ന് അറിയാതിരിക്കുമ്പോഴാണ് ദിവ്യയെ വിളിച്ചത്. മഞ്ജു പിന്മാറിയ സിനിമയെന്ന് അറിഞ്ഞിട്ടും സന്തോഷത്തോടെ ദിവ്യ ആ റോള് സ്വീകരിച്ചു’- വനിത മാഗസിന് നല്കിയ അഭിമുഖത്തില് ലാല്ജോസ് പറയുന്നു.
അതേസമയം, മമ്മൂട്ടി എങ്ങനെയാണ് ഈ ചിത്രത്തിലെത്തിയതെന്നും ലാല്ജോസ് നേരത്തെ വ്യക്തമാക്കിയിരുന്നു. സംവിധാനം ചെയ്യാന് ഒരുങ്ങുന്ന സമയത്ത് നായകനായി അഭിനയിക്കാമെന്ന് മമ്മൂട്ടി ഇങ്ങോട്ട് പറഞ്ഞെന്നാണ് ലാല്ജോസ് വെളിപ്പെടുത്തിയിരുന്നത്. ആദ്യ ചിത്രത്തില് നായകന് ആക്കിയില്ലെങ്കില് പിന്നെ ജീവിതത്തില് ഡേറ്റ് തരില്ലെന്ന് മമ്മൂട്ടി പറഞ്ഞതായും സംവിധായകന് പറഞ്ഞിരുന്നു.