ടെക്നോളജി ഒരുപാട് വളര്ന്നിരിക്കുന്ന സാഹചര്യത്തില് പല വിദ്യകള് കൊണ്ടും ഇന്നത്തെ കാലത്ത് വളരെ പെട്ടെന്ന് നമ്മുടെ ഫോട്ടോകള് ദുരുപയോഗം ചെയ്യാനാവും. മൈക്രോസോഫ്റ്റിന്റെ ഗിറ്റ്ഹബില് ഹോസ്റ്റ് ചെയ്തിരുന്ന ബുള്ളി ബായ് ആപ്പില് മുസ്ലിം സ്ത്രീകളുടെ ഫോട്ടോകള് പോസ്റ്റ് ചെയ്യുകയും ലേലം ചെയ്യുകയും ചെയ്തിരുന്നു. സോഷ്യല് മീഡിയ പ്ലാറ്റ്ഫോമുകളില് നിന്നുള്ള പ്രൊഫൈല് ചിത്രങ്ങളാണ് ഇതിന് വേണ്ടി ഉപയോഗിച്ചത്.
നമ്മുടെ പ്രൊഫൈല് ചിത്രങ്ങള് എങ്ങനെ സുരക്ഷിതമാക്കാമെന്നാണ് ഇവിടെ പറയുന്നത്. ഇന്സ്റ്റഗ്രാമും ഫേസ്ബുക്കും പോലെയുള്ള വിവിധ സോഷ്യല് മീഡിയ പ്ലാറ്റ്ഫോമുകളില് നമ്മുടെ പ്രൊഫൈല് ചിത്രങ്ങള് സുരക്ഷിതമാക്കുന്നത് എങ്ങനെയെന്ന് നോക്കാം.
ഫേസ്ബുക്ക്
ആദ്യം ഫേസ്ബുക്കിന്റെ ആപ്പ് സ്ക്രീനിന്റെ മുകളില് കാണുന്ന നിങ്ങളുടെ പ്രൊഫൈല് ചിത്രത്തില് ടാപ്പ് ചെയ്യുക.
ഇതോടെ നിങ്ങളുടെ പ്രൊഫൈല് തുറന്ന് വരും. പ്രൊഫൈല് പിക്ചറിന്റെ ഒരു മൂലയിലായി കാണുന്ന ക്യാമറ ചിഹ്നത്തില് ടാപ്പ് ചെയ്യുക.
തുറന്ന് വരുന്ന ഡ്രോപ്പ്ഡൌണ് മെനുവില് നിന്നും ടേണ് ഓണ് പ്രൊഫൈല് പിക്ചര് ഗാര്ഡ് എന്ന ഓപ്ഷനില് ടാപ്പ് ചെയ്യുക.
നിര്ദേശങ്ങള് പിന്തുടര്ന്ന് സേവ് ഓപ്ഷനില് ടാപ്പ് ചെയ്താല് മതി, നിങ്ങളുടെ പ്രൊഫൈല് പിക്ചര് ഗാര്ഡ് ആക്റ്റിവേറ്റ് ആകും.
ഫോട്ടോ ആല്ബങ്ങളുടെ സ്വകാര്യത വര്ധിപ്പിക്കുന്നതെങ്ങനെയെന്ന് നോക്കാം.
ആദ്യം ഫേസ്ബുക്കിന്റെ മുകളില് കാണുന്ന നിങ്ങളുടെ പ്രൊഫൈല് ചിത്രത്തില് ടാപ്പ് ചെയ്യുക.
ശേഷം പ്രൊഫൈലില് നിന്നും ഫോട്ടോസ് ഓപ്ഷനില് ടാപ്പ് ചെയ്യുക.
ഇവിടെ നിന്നും ആല്ബങ്ങളിലേക്ക് പോകുക.
സ്വകാര്യത സെറ്റിങ്സ് മാറ്റാന് ആഗ്രഹിക്കുന്ന ആല്ബത്തില് ടാപ്പ് ചെയ്യുക.
ആല്ബത്തിന്റെ മുകളില് വലത് ഭാഗത്ത് കാണുന്ന മൂന്ന് ഡോട്ടുകളില് ടാപ്പ് ചെയ്യുക.
തുടര്ന്ന് എഡിറ്റ് ഓപ്ഷനില് ടാപ്പ് ചെയ്യുക.
നിലവിലെ സ്വകാര്യത ക്രമീകരണത്തില് ടാപ്പ് ചെയ്യുക.
ശേഷം ഫ്രണ്ട്സ് അല്ലെങ്കില് ഒണ്ലി മീ തിരഞ്ഞെടുത്ത് പിന്നിലേക്ക് പോകുക.
ഇന്സ്റ്റഗ്രാം
ആദ്യം നിങ്ങളുടെ പ്രൊഫൈലില് ടാപ്പ് ചെയ്യുക.
തുടര്ന്ന് ആപ്പിന്റെ മുകളില് വലത് കോണിലുള്ള ഹാംബര്ഗര് മെനുവില് ടാപ്പ് ചെയ്യുക.
ഇപ്പോള് സെറ്റിങ്സ് ഓപ്ഷനില് ടാപ്പ് ചെയ്യുക.
പ്രൈവസി ഓപ്ഷനില് ടാപ്പ് ചെയ്യുക.
ഗൈഡ്സ് ഓപ്ഷനില് ടാപ്പ് ചെയ്ത് സ്വിച്ച് ടോഗിള് ചെയ്യുക.
പ്രൈവറ്റ് അക്കൗണ്ട് എങ്ങനെ ആക്കാം?
ആദ്യം ഇന്സ്റ്റാഗ്രാമിലെ പ്രൊഫൈല് ഐക്കണ് ടാപ്പ് ചെയ്യുക.
തുടര്ന്ന് ആപ്പിന്റെ മുകളില് വലത് കോണിലുള്ള ഹാംബര്ഗര് മെനുവില് ടാപ്പ് ചെയ്യുക.
ശേഷം സെറ്റിങ്സ് ഓപ്ഷനില് ടാപ്പ് ചെയ്യുക.
പ്രൈവസി ഓപ്ഷനിലും ടാപ്പ് ചെയ്യുക.
സ്വകാര്യ അക്കൗണ്ട് ബട്ടണ് ടോഗിള് ചെയ്ത് ഓണ് ആക്കുക.
വാട്സ്ആപ്പ്
ആദ്യം വാട്സ്ആപ്പ് തുറന്ന് സെറ്റിങ്സ് ടാബില് ടാപ്പ് ചെയ്യുക.
അക്കൗണ്ട് ടാപ്പ് ചെയ്യുക.
തുടര്ന്ന് പ്രൈവസി ഓപ്ഷനില് ടാപ്പ് ചെയ്യുക.
പ്രൊഫൈല് ഫോട്ടോ ഓപ്ഷനില് ടാപ്പ് ചെയ്യുക.
തുടര്ന്ന് നിങ്ങളുടെ മുന്ഗണനകളെ അടിസ്ഥാനമാക്കി ‘നോബഡി’ അല്ലെങ്കില് ‘മൈ കോണ്ടാക്റ്റ്സ്’ എന്നീ ഓപ്ഷനുകള് തിരഞ്ഞെടുക്കുക.