കൊച്ചി: സംസ്ഥാനത്തെ കെ-റെയില് പദ്ധതിക്കുള്ള ഭൂമി ഏറ്റെടുക്കല് നടപടികള്ക്ക് അനുമതിയുണ്ടെന്ന് റെയില്വേ ഹൈക്കോടതിയില്. സ്ഥലം ഏറ്റെടുക്കല് നടപടികള് റദ്ദാക്കരുതെന്നായിരുന്നു സര്ക്കാരിന്റെ വാദം. കെ-റെയില് ഒരു പ്രത്യേക റെയില്വേ പദ്ധതിയല്ലെന്നും അതിനാല് കേന്ദ്ര സര്ക്കാരിന്റെ പ്രത്യേക അനുമതി സ്ഥലമേറ്റെടുക്കലിന് ആവശ്യമില്ലെന്നും റെയില്വെ അറിയിച്ചു.
അതേസമയം, കേന്ദ്രസര്ക്കാരിന്റെ തത്വത്തിലുള്ള അംഗീകാരം പദ്ധതിക്ക് ഉണ്ടെന്നും ഇതനുസരിച്ചുള്ള നടപടികള് മാത്രമാണ് സ്വീകരിച്ചിരിക്കുന്നതെന്നും സംസ്ഥാന സര്ക്കാര് കോടതിയെ അറിയിച്ചു.
എന്നാല്, പദ്ധതിക്ക് സര്ക്കാരിന്റെയോ റെയില്വേയുടെയോ കൃത്യമായ അനുമതി ഇല്ലെന്ന് ഹര്ജിക്കാര് കോടതിയെ അറിയിച്ചു. 955 ഏക്കര് സ്ഥലം നിയമവിരുദ്ധമായി ഏറ്റെടുക്കാനാണ് സര്ക്കാരിന്റെ നീക്കമെന്നും ഇത് ജനജീവിതത്തെ ദുരിതത്തിലാക്കുമെന്നും ഹര്ജിക്കാര് വാദിച്ചു.