തിരുവനന്തപുരം: നടി ആക്രമിക്കപ്പെട്ട കേസിൽ പുതിയ വഴിത്തിരിവ്. കേസിൽ സംവിധായകൻ ബാലചന്ദ്രകുമാറിന്റെ വെളിപ്പെടുത്തലിന് പിന്നിൽ പ്രോസിക്യൂഷൻ ആണെന്ന ആരോപണവുമായി നടൻ ദിലീപ് രംഗത്തെത്തി.
ബാലചന്ദ്ര കുമാറിന്റെ പരാതിയ്ക്ക് പിന്നിൽ അന്വേഷണ ഉദ്യോഗസ്ഥനും ഉണ്ടെന്നും ദിലീപ് ആരോപിച്ചു. ഇക്കാര്യം സംബന്ധിച്ച് ഡി.ജി.പിക്കും എ.ഡി.ജി.പിക്കും ദിലീപ് പരാതി നൽകിയിട്ടുണ്ട്. കോടതിയിലെ കേസ് അട്ടിമറിക്കാൻ ആണ് അഭിമുഖം വഴി ശ്രമിക്കുന്നതെന്നും ദിലീപ് വ്യക്തമാക്കി.
202 -ാം സാക്ഷിയായ അന്വേഷണ ഉദ്യോഗസ്ഥനെ വിസ്തരിക്കുന്നതിന്റെ തലേ ദിവസം ആണ് പരാതി രൂപപ്പെട്ടതെന്നും വിസ്താരം നടന്നിരുന്നെങ്കിൽ അന്വേഷണ ഉദ്യോഗസ്ഥന്റെ കണ്ടെത്തൽ തകരുമായിരുന്നുവെന്നും ദിലീപ് പറഞ്ഞു. പ്രോസിക്യൂട്ടറെ രാജി വയ്പ്പിച്ചത് വിസ്താരം അനാവശ്യമായി നീട്ടാനാണ്. ബാലചന്ദ്രകുമാറിന്റെ പരാതിയിൽ തുടരന്വേഷണം നടത്തുന്നതിൽ എതിർപ്പില്ലെന്നും ദിലീപ് അറിയിച്ചു.
ഗൂഢാലോചന നടത്തിയ ബൈജു പൗലോസിനെ അന്വേഷണം ഏൽപ്പിക്കണം. തുടർ അന്വേഷണം ആവശ്യപ്പെട്ട് നൽകിയ ഹർജി പിൻവലിക്കാൻ നിർദ്ദേശം നൽകണമെന്നും ബൈജു പൗലോസിന് എതിരെ നടപടി വേണമെന്നും ദിലീപ് ആവശ്യപ്പെട്ടു.