തിരുവനന്തപുരം: ഉന്നത വിദ്യാഭ്യാസ മന്ത്രി ആർ. ബിന്ദുവിനെതിരെ സിപിഐ സംസ്ഥാന സെക്രട്ടറി കാനം രാജേന്ദ്രൻ. കണ്ണൂർ യൂണിവേഴ്സിറ്റി വൈസ് ചാൻസിലർ നിയമനത്തിൽ ഗവർണർക്ക് ശുപാർശ നൽകാൻ മന്ത്രിക്ക് അധികാരമില്ലെന്നാണ് കാനം വ്യക്തമാക്കുന്നത്. കണ്ണൂർ വൈസ് ചാൻസലറായി ഗോപിനാഥ് രവീന്ദ്രനെ പുനർ നിയമിച്ച വിഷയം വിവാദമായതോടെയാണ് കാനം മന്ത്രിയെ ബിന്ദുവിനെതിരെ പ്രതികരണം നടത്തിയത്.
സിപിഎമ്മിൽ നിന്നടക്കം കൂടുതൽ പേർ സിപിഐയിലേക്ക് വരുമെന്നും കാനം വിശദമാക്കി. മാദ്ധ്യമ പ്രവർത്തകരോടായിരുന്നു അദ്ദേഹത്തിന്റെ പ്രതികരണം. സിപിഐയിൽ നിന്ന് പോയവരാണ് സിപിഎമ്മിലുള്ളവർ. ചില കാര്യങ്ങൾ സസ്പെൻസ് ആയി നിൽക്കട്ടെയെന്നാണ് എസ്. രാജേന്ദ്രൻ സിപിഐയിലേക്ക് എത്തുമോ എന്ന മാദ്ധ്യമ പ്രവർത്തകരുടെ ചോദ്യത്തിന് അദ്ദേഹം നൽകിയ മറുപടി.