നിങ്ങള്‍ റെക്കോര്‍ഡ് ചെയ്ത വാട്‌സ്ആപ്പ് ശബ്ദസന്ദേശം അയക്കുന്നതിനു മുന്‍പായി ഒന്നുകൂടി പരിശോധിക്കാനുള്ള വോയ്‌സ് മെസേജ് പ്രീവ്യു ടൂള്‍ പുറത്തിറക്കിയിരിക്കുകയാണ് ഇപ്പോള്‍ കമ്പനി. ഇത് തെറ്റുകള്‍ കൂടാതെ സന്ദേശമയക്കുവാന്‍ നിങ്ങളെ സഹായിക്കും.
2013-ലാണ് വാട്ട്‌സ്ആപ്പ് ശബ്ദസന്ദേശം എന്ന ജനപ്രിയ ഫീച്ചര്‍ ഒരുക്കുന്നത്. എഴുതി അയക്കുന്നതിനേക്കാള്‍ എളുപ്പമാണ് എന്നതിനേക്കാള്‍ വികാരങ്ങളും വിചാരങ്ങളും പങ്കുവെക്കാനും ഇതുമൂലം കഴിയുന്നു എന്നതാണ് ഇതിന്റെ ഏറ്റവും വലിയ പ്രത്യേകത. അതുകൊണ്ടു തന്നെ ഈ സംവിധാനം പെട്ടെന്ന് ജനപ്രീതി നേടുകയും ചെയ്തു.
പുതിയ ഫീച്ചര്‍ എങ്ങനെ ഉപയോഗിക്കുമെന്ന് നോക്കാം…
നിങ്ങള്‍ സന്ദേശമയക്കാന്‍ ഉദ്ദേശിക്കുന്ന വ്യക്തിയുടെയോ ഗ്രൂപ്പിന്റേയോ അക്കൗണ്ട് തുറന്ന് താഴെ വലതുഭാഗത്തുള്ള മൈക്രോഫോണ്‍ ചിഹ്നത്തില്‍ അമര്‍ത്തിപ്പിടിക്കുക.
സംസാരിച്ചു തുടങ്ങുന്നതിനു മുന്‍പായി ഹാന്‍ഡ് ഫ്രീ ആക്കുവാന്‍ സ്ലൈഡ് ചെയ്യുക. സന്ദേശം റെക്കോര്‍ഡ് ചെയ്തു കഴിഞ്ഞാല്‍ ഉടന്‍ സ്റ്റോപ്പ് എന്നത് ടാപ് ചെയ്യുക.
പ്ലേ ടു ലിസണ്‍ എന്നത് ടാപ്പ് ചെയ്യുക.
ഒരു സന്ദേശത്തിന്റെ ഏതു ഭാഗത്തുനിന്നും നിങ്ങള്‍ക്ക് ഇത്തരത്തില്‍ ടാപ്പ് ചെയ്ത്, ആ ടൈം സ്ട്രാപ്പില്‍ റെക്കൊര്‍ഡ് ചെയ്ത സന്ദേശം കേള്‍ക്കാനാകും.
അതിനുശേഷം നിങ്ങള്‍ക്ക് ആ സന്ദേശം നീക്കം ചെയ്യണമെങ്കില്‍ ട്രാഷ് എന്നതില്‍ ടാപ്പ് ചെയ്യുക, അതല്ല അത് അയക്കാനാണെങ്കില്‍ സെന്‍ഡ് എന്നതില്‍ ടാപ് ചെയ്യുക.