തിരുവനന്തപുരം: കോവിഡ് ഇളവുകള് മുന്നിര്ത്തി തിയേറ്ററുകള് തുറക്കുമെന്ന സര്ക്കാരിന്റെ പ്രഖ്യാപനത്തിനു പിന്നാലെ റിലീസിന് തയ്യാറെടുത്ത് നില്ക്കുകയാണ് പല ചിത്രങ്ങളും.
തിയേറ്റര് ഒക്ടോബറില് തുറന്നാല് റിലീസ് ചെയ്യുന്ന ആദ്യ ചിത്രമാകാന് തയ്യാറെടുക്കുകയാണ് പൃഥ്വിരാജ്- ജോജു ജോര്ജ് ചിത്രമായ സ്റ്റാര്. അബാം മൂവീസിന്റെ ബാനറില് എബ്രഹാം മാത്യൂ നിര്മ്മിച്ച് ഡോമിന് ഡി സില്വയുടെ സംവിധാനത്തില് ഒരുങ്ങുന്ന ചിത്രത്തില് ഷീലു എബ്രഹാമും പ്രധാന വേഷത്തിലെത്തുന്നു.
പൈപ്പിന് ചുവട്ടിലെ പ്രണയത്തിന് ശേഷം ഡോമിന് ഡി സില്വ സംവിധാനം ചെയ്യുന്ന സ്റ്റാറിന്റെ തിരക്കഥ സുവിന് എസ് സോമശേഖരനാണ്. ഷീ ടാക്സി, പുതിയ നിയമം, സോളോ, കനല്, പുത്തന് പണം, ശുഭരാത്രി, പട്ടാഭിരാമന് തുടങ്ങിയ ചിത്രങ്ങള്ക്ക് ശേഷം അബാം നിര്മ്മിക്കുന്ന ചിത്രത്തില് മികച്ചൊരു താരനിര തന്നെ അണിനിരക്കുന്നുണ്ട്.
എം ജയചന്ദ്രനും രഞ്ജിന് രാജും സംഗീത സംവിധാനം ചെയ്തിരിക്കുന്ന സ്റ്റാറിന്റെ ബാക്ഗ്രൗണ്ട് മ്യൂസിക് വില്യം ഫ്രാന്സിസ് ആണ്. തരുണ് ഭാസ്കരന് ക്യാമറയും ലാല്കൃഷ്ണന് എസ് അച്യുതം എഡിറ്റിങ്ങും നിര്വഹിച്ചിരിക്കുന്നു.