ന്യൂഡല്ഹി: രാജ്യത്ത് ഇന്ധന വില കുറയ്ക്കാനുള്ള നീക്കങ്ങളുടെ ഭാഗമായി പെട്രോളിയം ഉത്പന്നങ്ങള് ജി.എസ്.ടിയുടെ പരിധിയില് ഉള്പ്പടുത്താന് ആലോചനയുമായി കേന്ദ്രം. വെള്ളിയാഴ്ച ലഖ്നൗവില് ചേരുന്ന ജി.എസ്.ടി കൗണ്സില് യോഗത്തില് ഇതു സംബന്ധിച്ച് അന്തിമ തീരുമാനമുണ്ടായേക്കും.
എന്നാല്, പെട്രോളിയം ഉത്പന്നങ്ങളെ ജി.എസ്.ടി പരിധിയില് ഉള്പ്പെടുത്തുന്നതിനെ ശക്തമായി എതിര്ക്കാനാണ് കേരളത്തിന്റെ തീരുമാനമെന്ന് സംസ്ഥാന ധനമന്ത്രി കെ.എന് ബാലഗോപാല് വ്യക്തമാക്കി. നികുതി നിശ്ചയിക്കാന് സംസ്ഥാനങ്ങള്ക്ക് അവകാശമുണ്ടെന്നും, ഈ സ്വാതന്ത്ര്യത്തിന്മേലുള്ള കടന്നുകയറ്റമാണ് പുതിയ തീരുമാനമെന്നുമാണ് സംസ്ഥാനത്തിന്റെ വിശദീകരണം. കേരളത്തിന് സമാനമായ അഭിപ്രായമുള്ള മറ്റ് സംസ്ഥാനങ്ങളുമായി കൗണ്സില് യോഗത്തിന് മുന്പ് കൂടിയാലോചന നടത്താനും സംസ്ഥാന സര്ക്കാര് ഉദ്ദേശിക്കുന്നുണ്ട്.