തിരുവനന്തപുരം: സംസ്ഥാനത്ത് ശനിയാഴ്ച്ച സർക്കാർ ഓഫീസുകൾ പ്രവൃത്തി ദിനമാക്കി. സർക്കാർ ഓഫീസുകളിൽ ശനിയാഴ്ച്ച എല്ലാ സേവനങ്ങളും ലഭ്യമാകും. കോവിഡ് വൈറസ് വ്യാപനത്തെ തുടർന്ന് നിർത്തിവെച്ച പഞ്ചിംഗ് വഴിയുള്ള ഹാജർ പുന:രാരംഭിക്കാനും തീരുമാനിച്ചു.
അതേസമയം സംസ്ഥാനത്ത് കോവിഡ് നിയന്ത്രണങ്ങളിൽ കൂടുതൽ ഇളവു നൽകുന്നത് പരിഗണനയിലാണ്. ചൊവ്വാഴ്ച്ച ചേരുന്ന കോവിഡ് അവലോകന യോഗത്തിൽ കൂടുതൽ ഇളവുകൾ നൽകുന്ന കാര്യത്തിൽ അന്തിമ തീരുമാനമുണ്ടാകും. ഹോട്ടലിൽ ഇരുന്ന് ഭക്ഷണം കഴിക്കാൻ അനുമതി നൽകുന്നത് ഉൾപ്പെടെയുള്ള ഇളവ് ഉണ്ടാകുമെന്നാണ് സൂചന.