തിരുവനന്തപുരം: ഓണക്കിറ്റില് തട്ടിപ്പ് നടത്തിയെന്ന പ്രതിപക്ഷ ആരോപണം തള്ളി ഭക്ഷ്യ സിവില് സപ്ലൈസ് മന്ത്രി ജി ആര് അനില്. ഓണക്കിറ്റിലെ ഏലത്തിന്റെ ഗുണനിലവാരം സംബന്ധിച്ച പ്രതിപക്ഷ ആരോപണം തെറ്റാണെന്നും, ഇ-ടെണ്ടര് വഴിയാണ് ഏലം സംഭരിച്ചത്, ഇതുവഴി കര്ഷകര്ക്ക് നേരിട്ട് പ്രയോജനം കിട്ടിയെന്നും മന്ത്രി ചൂണ്ടിക്കാട്ടി.
മാത്രമല്ല, പ്രതിപക്ഷ ആരോപണത്തില് ഒരു അടിസ്ഥാനവുമില്ലെന്നും, എങ്കിലും ആരോപണം ഉയര്ന്ന പശ്ചാത്തലത്തില് പരിശോധന നടത്തുമെന്നും ജി ആര് അനില് അറിയിച്ചു.
ഓണക്കിറ്റ് വാങ്ങാനെത്തിയ ഒരാള്ക്ക് പോലും കിറ്റ് കിട്ടാതെ മടങ്ങിപ്പോകേണ്ടി വന്നിട്ടില്ലെന്നും, 71 ലക്ഷം പേര് കിറ്റുകള് വാങ്ങി, നേരിട്ട് കൊണ്ടുപോയി കൊടുത്തിട്ടുള്ള കിറ്റുകളുടെ കണക്ക് കൂടി ഉള്പ്പെടുത്താന് ഉണ്ടെന്നും അദ്ദേഹം വ്യക്തമാക്കി.