തിരുവനന്തപുരം: സ്വാതന്ത്ര്യദിനം ആഘോഷിക്കാനുള്ള സിപിഎമ്മിന്റെ തീരുമാനത്തെ പരിഹസിച്ച് രാഷ്ട്രീയ നിരീക്ഷകൻ ശ്രീജിത്ത് പണിക്കർ. ആദ്യമായി ദേശീയ പതാക കൈകൊണ്ട് തൊടാൻ പോകുന്ന പാർട്ടിക്കാരോട് ഒരു കാര്യം മാത്രമേ തനിക്ക് പറയാനുള്ളൂവെന്നും, പതാക ഉയർത്തുമ്പോൾ കുങ്കുമ നിറം മുകളിലും, പച്ച നിറം താഴെയുമായിരിക്കണമെന്നാണ് അദ്ദേഹം പറഞ്ഞു. ഫേസ്ബുക്കിൽ പങ്കുവെച്ച കുറിപ്പിലൂടെയായിരുന്നു അദ്ദേഹത്തിന്റെ പ്രതികരണം. ശീലം ഇല്ലാത്തതല്ലേ. അതുകൊണ്ട് ഓർമ്മിപ്പിച്ചെന്നു മാത്രമെന്നും അദ്ദേഹം പരിഹസിക്കുന്നു.
ഫേസ്ബുക്ക് കുറിപ്പിന്റെ പൂർണ്ണരൂപം:
ജീവിതത്തിൽ ആദ്യമായി ദേശീയ പതാക കൈകൊണ്ട് തൊടാൻ പോകുന്ന പാർട്ടിക്കാരോട് ഒന്നേ പറയാനുള്ളൂ…
പതാക ഉയർത്തുമ്പോൾ കുങ്കുമനിറം മുകളിലും പച്ചനിറം താഴെയും ആയിരിക്കണം. ശീലം ഇല്ലാത്തതല്ലേ. അതുകൊണ്ട് ഓർമ്മിപ്പിച്ചെന്നു മാത്രം. അപ്പൊ ശരി. നടക്കട്ടെ.