കലാനിലയം കൃഷ്ണൻ നായരുടെ ചരമവാർഷികത്തിനോടനുബന്ധിച്ച് അദ്ദേഹത്തിന്റെ ചെറുമകൾ തന്റെ മുത്തശ്ശൻ നിർമ്മിച്ച സിനിമകളിലൊന്നായ ‘നീലസാരി ‘ എന്ന ചിത്രത്തിലെ ഗാനം കവർ സോങ്ങായി ചെയ്ത് വ്യത്യസ്തത കാട്ടിയാണ് സോഷ്യൽ മീഡിയയിൽ തരംഗമായിരിക്കുന്നത്.
നാടകാചാര്യനും,തനിനിറം സ്ഥാപക പത്രാധിപനും, നിർമ്മാതാവും, സംവിധായകനുമായ ശ്രീ കലാനിലയം കൃഷ്ണൻ നായരുടെ വേർപാടിന് 40 കൊല്ലം പിന്നിട്ട വേളയിലാണ് ബിന്ദു ശ്രദ്ധാഞ്ജലിയായി കവർ സോങ്ങ് ചെയ്തിരിക്കുന്നത് . കലാകാരിയും, ഗാനരചയിതാവും, പാട്ടുകാരിയുമായ ബിന്ദു രവി തന്റെ ചെറുപ്പകാലത്ത് മുത്തശ്ശന്റെ സിനിമാ വേളയിലു ടനീളം കൈപിടിച്ചു നടന്ന ഓർമ്മകൾ മുതൽ കൂട്ടാക്കിയാണ് ഈ വീഡിയോ ഒരുക്കിയിരിക്കുന്നത് .
‘നീലസാരി’ എന്ന സിനിമയിലെ കെ ജെ യേശുദാസ് പാടിയ പഴയകാല ശ്രോതാക്കളുടെ മനം കവർന്ന ‘കാശ്മീര സന്ധ്യകളെ..’ എന്നു തുടങ്ങുന്ന ഗാനമാണ് ബിന്ദു രവി കവർ സോങ്ങ് ആയി ചെയ്തിരിക്കുന്നത് . ഇതേ സിനിമയിലെ നായകനായ രവികുമാറും നായികയായ സുമിത്രയും ബിന്ദുവിന് ആശംസ നേർന്നു കൊണ്ടാണ് പാട്ടിന്റെ തുടക്കം.
അപൂർവമായ പഴയ ഓർമ്മകളെ ഒപ്പിയെടുത്ത് കോർത്തിണക്കി പുതിയ കവർ സോങ് എന്ന ആശയത്തെയാണ് ബിന്ദുവിനെ മറ്റുള്ളവരിൽ നിന്നും വ്യത്യസ്തയാക്കുന്നത്.