പാങ്കോംഗ്: ഉത്തരകൊറിയൻ ഭരണാധികാരി കിം ജോങ് ഉന്നിന്റെ ചിത്രങ്ങൾ പുറത്തു വന്നതോടെ അദ്ദേഹത്തിന്റെ ആരോഗ്യ സ്ഥിതിയെ കുറിച്ചുള്ള ചർച്ചകൾ സജീവമാണ്. അദ്ദേഹം രോഗബാധിതനാണോയെന്നാണ് ആളുകൾ പ്രധാനമായും സംശയിക്കുന്നത്.
അദ്ദേഹത്തിന്റെ ആരോഗ്യനില മോശമാണെന്ന അഭ്യൂഹങ്ങൾ ശക്തമായി പടരുന്നുണ്ട്. അടുത്തിടെയാണ് മെലിഞ്ഞ രൂപത്തിലുള്ള കിം ജോംങ് ഉന്നിന്റെ ചിത്രങ്ങൾ പുറത്തു വരുന്നത്. ഈ ചിത്രത്തിന്റെ ചുവടുപിടിച്ചാണ് കിം ജോങ് ഉന്നിനെ കുറിച്ചുള്ള ചർച്ചകൾ വീണ്ടും നിറയുന്നത്.
നേരത്തെ ഉള്ളതിൽ നിന്നും വ്യത്യസ്തനായി മെലിഞ്ഞിരിക്കുന്ന കിം ജോങ് ഉന്നാണ് ചിത്രത്തിലുള്ളത്. കിം ജോങ് ഉന്നിന്റെ ഭാരം വളരെയധികം കുറഞ്ഞുവെന്നാണ് അദ്ദേഹം ധരിച്ചിരിക്കുന്ന ഒമ്പത് ലക്ഷത്തോളം വില വരുന്ന സ്വിസ് വാച്ചിൽ നിന്നും വ്യക്തമായിരുന്നത്.
ഏറെ കാലം സമൂഹത്തിന്റെ മുഖ്യധാരയിൽ നിന്ന് അപ്രത്യക്ഷനായിരുന്നു കിം. പിന്നീട് വീണ്ടും മുഖ്യധാരയിലേക്ക് തിരിച്ചെത്തിയപ്പോഴുള്ള ചിത്രത്തിലാണ് അദ്ദേഹത്തെ മെലിഞ്ഞ രീതിയിൽ കാണപ്പെട്ടത്. ചിത്രങ്ങളിൽ അദ്ദേഹത്തിന്റെ ശരീരഭാരം കുറഞ്ഞിരിക്കുന്നതിനാലാണ് കിമ്മിന്റെ ആരോഗ്യ സ്ഥിതി മോശമാണെന്ന തരത്തിലുള്ള പ്രചാരണങ്ങൾ ശക്തമായത്. അതേസമയം ആരോഗ്യനില മോശമാണെങ്കിൽ വർക്കേഴ്സ് പാർട്ടിയുടെ കേന്ദ്ര സമിതി യോഗത്തിൽ അദ്ദേഹം പങ്കെടുക്കുമായിരുന്നില്ലെന്നാണ് സോളിലെ കൊറിയ ഇൻസ്റ്റിറ്റ്യൂട്ട് ഫോർ നാഷണൽ യൂണിഫിക്കേഷനിലെ സീനിയർ അനലിസ്റ്റായ ഹോങ് മിന്റെ വാദം.