പതിനെട്ടിനും 45 നും മദ്ധ്യേ പ്രായമായവര്‍ക്കുള്ള കോവിഡ് വാക്‌സിന്‍ രജിസ്‌ട്രേഷന്‍ ഇന്നാരംഭിക്കും. ഇവര്‍ക്ക് വാക്‌സിന്‍ യജ്ഞത്തിന്റെ മൂന്നാം ഘട്ടത്തില്‍ അടുത്തമാസം ഒന്ന് മുതല്‍ കുത്തിവയ്പ്പ് നല്‍കിത്തുടങ്ങും. വൈകിട്ട് നാല് മുതല്‍ www.cowin.gov.in, www.umang.gov.in എന്നീ പോർട്ടലുകൾ വഴി രജിസ്റ്റർ ചെയ്യാം. സ്വകാര്യ ആശുപത്രികളിൽ നിന്ന് പണം നൽകിയും, സർക്കാർ തലങ്ങളിൽ നിന്ന് ലഭ്യമാകുന്ന മുറക്ക് സൗജന്യമായും വാക്സിൻ ലഭിക്കും.ഓരോരുത്തരുടേയും തിരിച്ചറിയൽ കാർഡ് ഉപയോഗിച്ച് ഒരു ഫോണിൽ നിന്ന് നാലു പേർക്ക് വരെ രജിസ്റ്റർ ചെയ്യാം.
ഈ ഘട്ടത്തിലും 45-നു മേല്‍ പ്രായമായവര്‍ക്കും ആരോഗ്യ പ്രവര്‍ത്തകര്‍ക്കും മുന്‍നിര പ്രവര്‍ത്തകര്‍ക്കുമുള്ള സൗജന്യ വാക്‌സിന്‍ കുത്തിവയ്പ്പ് തുടരുമെന്ന് ആരോഗ്യമന്ത്രാലയം അറിയിച്ചു.