തിരുവനന്തപുരം: ബിപോര്ജോയ് അതിശക്തമായ ചുഴലിക്കാറ്റായി ശക്തി പ്രാപിച്ചുവെന്നും ജൂണ് 14 രാവിലെ വരെ വടക്കു ദിശയിയില് സഞ്ചരിച്ച് തുടര്ന്ന് ദിശ മാറി സൗരാഷ്ട്ര ആന്ഡ് കച്ച് അതിനോട് ചേര്ന്നുള്ള പാകിസ്ഥാന് തീരത്ത്, മണ്ഡവി (ഗുജറാത്ത്)ക്കും കറാച്ചിക്കും ഇടയില് ജൂണ് 15ന് പരമാവധി 150 കി.മീ വേഗതയില് കരയില് പ്രവേശിക്കാന് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പിന്റെ മുന്നറിയിപ്പ്.
അതേസമയം, 2023 ജൂണ് 11 മുതല് 15 വരെ കേരളത്തില് ഒറ്റപ്പെട്ടയിടങ്ങളില് ഇടിമിന്നലിനും മണിക്കൂറില് 40 മുതല് 50 കി മീവരെ വേഗതയില് വീശിയേക്കാവുന്ന ശക്തമായ കാറ്റിനും സാധ്യതയുണ്ടെന്ന് കാലാവസ്ഥ വിഭാഗം അറിയിച്ചു. ജൂണ് 11നും 12നും കേരളത്തില് ഒറ്റപ്പെട്ടയിടങ്ങളില് ശക്തമായ മഴയ്ക്കും (24 മണിക്കൂറില് 7 -11 സെന്റിമീറ്റര് മഴ) സാധ്യതയുണ്ടെന്നും കേന്ദ്ര കാലാവസ്ഥ വകുപ്പ് അറിയിച്ചു.
യെല്ലോ അലേര്ട്ട് പ്രഖ്യാപിച്ച ജില്ലകള്
11-06-2023: തൃശൂര്, കോഴിക്കോട്, കണ്ണൂര്, കാസര്ഗോഡ്
12-06-2023: എറണാകുളം, തൃശൂര്, കോഴിക്കോട്, കണ്ണൂര്
അതേസമയം, കേരള-കര്ണാടക തീരങ്ങളിലും ലക്ഷദ്വീപ് പ്രദേശത്തും മത്സ്യബന്ധനത്തിന് പോകാന് പാടില്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു. 11-06-2023 മുതല് 15-06-2023 വരെ: കേരള -കര്ണാടക- ലക്ഷദ്വീപ് തീരങ്ങളില് മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യതയുള്ളതിനാല് ഈ തീയതികളിലും പ്രദേശത്തും മത്സ്യബന്ധനത്തിന് പോകുവാന് പാടുള്ളതല്ല.
15-06-2023: ഗള്ഫ് ഓഫ് മാന്നാര്, തെക്കന് തമിഴ്നാട് തീരം എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് മണിക്കൂറില് 65 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യത. കൂടാതെ 11-06-2023 മുതല് 14-06-2023 വരെയുള്ള തീയതികളില് ഗള്ഫ് ഓഫ് മാന്നാര്, തെക്കന് തമിഴ്നാട് തീരം, അതിനോട് ചേര്ന്ന കന്യാകുമാരി പ്രദേശം എന്നിവിടങ്ങളില് മണിക്കൂറില് 45 മുതല് 55 കിലോമീറ്റര് വരെയും ചില അവസരങ്ങളില് മണിക്കൂറില് 65 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യത.
പ്രത്യേക ജാഗ്രതാ നിര്ദേശം
11-06-2023: മധ്യ-കിഴക്കന് അറബിക്കടല് അതിനോട് ചേര്ന്നുള്ള മധ്യ-പടിഞ്ഞാറന് അറബിക്കടല്, വടക്ക്-കിഴക്ക് അറബിക്കടല് എന്നിവിടങ്ങളില് മണിക്കൂറില് 160 മുതല് 175 കിലോമീറ്റര് വരെയും ചില അവസരങ്ങളില് മണിക്കൂറില് 195 കിലോമീറ്റര് വരെയും വേഗതയില് അതി ശക്തമായ കാറ്റിന് സാധ്യത.
12-06-2023: വടക്ക്-കിഴക്ക് അറബിക്കടല് അതിനോട് ചേര്ന്നുള്ള മധ്യ അറബിക്കടല് എന്നിവിടങ്ങളില് മണിക്കൂറില് 150 മുതല് 165 കിലോമീറ്റര് വരെയും ചില അവസരങ്ങളില് മണിക്കൂറില് 185 കിലോമീറ്റര് വരെയും വേഗതയില് അതി ശക്തമായ കാറ്റിന് സാധ്യത.
13-06-2023: വടക്ക്-കിഴക്ക് അറബിക്കടല് അതിനോട് ചേര്ന്നുള്ള മധ്യ അറബിക്കടല് എന്നിവിടങ്ങളില് മണിക്കൂറില് 145 മുതല് 155 കിലോമീറ്റര് വരെയും ചില അവസരങ്ങളില് മണിക്കൂറില് 170 കിലോമീറ്റര് വരെയും വേഗതയില് അതി ശക്തമായ കാറ്റിന് സാധ്യത. കൂടാതെ വടക്ക്-പടിഞ്ഞാറ് അറബിക്കടലിനോട് ചേര്ന്ന പ്രദേശങ്ങളില് മണിക്കൂറില് 80 മുതല് 90 കിലോമീറ്റര് വരെയും ചില അവസരങ്ങളില് മണിക്കൂറില് 100 കിലോമീറ്റര് വരെയും വേഗതയില് അതി ശക്തമായ കാറ്റിന് സാധ്യത.
14-06-2023: വടക്ക്-കിഴക്ക് അറബിക്കടലില് മണിക്കൂറില് 135 മുതല് 145 കിലോമീറ്റര് വരെയും ചില അവസരങ്ങളില് മണിക്കൂറില് 160 കിലോമീറ്റര് വരെയും വേഗതയില് അതി ശക്തമായ കാറ്റിന് സാധ്യത. കൂടാതെ മധ്യ- വടക്ക്പടിഞ്ഞാറന് അറബിക്കടലിനോട് ചേര്ന്നുള്ള ഭാഗങ്ങളില് മണിക്കൂറില് 70 മുതല് 80 കിലോമീറ്റര് വരെയും ചില അവസരങ്ങളില് മണിക്കൂറില് 90 കിലോമീറ്റര് വരെയും വേഗതയില് അതി ശക്തമായ കാറ്റിന് സാധ്യത.
15-06-2023: വടക്ക്-കിഴക്ക് അറബിക്കടലില് മണിക്കൂറില് 125 മുതല് 135 കിലോമീറ്റര് വരെയും ചില അവസരങ്ങളില് മണിക്കൂറില് 150 കിലോമീറ്റര് വരെയും വേഗതയില് ശക്തമായ കാറ്റിന് സാധ്യത എന്നും വൈകുന്നേരത്തോടു കൂടി കാറ്റിന്റെ ശക്തി കുറഞ്ഞ് മണിക്കൂറില് 100 കിലോമീറ്റര് മുതല് 110 കിലോമീറ്റര് വരെയും ചില അവസരങ്ങളില് മണിക്കൂറില് 125 കിലോമീറ്റര് വരെയും വേഗതയില് ശക്തമായ കാറ്റിന് സാധ്യത . കൂടാതെ മധ്യ അറബിക്കടലിനോട് ചേര്ന്നുള്ള ഭാഗങ്ങളില് മണിക്കൂറില് 50 മുതല് 60 കിലോമീറ്റര് വരെയും ചില അവസരങ്ങളില് മണിക്കൂറില് 70 കിലോമീറ്റര് വരെയും വേഗതയില് ശക്തമായ കാറ്റിന് സാധ്യത.
ബംഗാള് ഉള്ക്കടല്
11-06-2023 മുതല് 14-06-2023 വരെ: ആന്ഡമാന് കടല്, തെക്ക്-കിഴക്ക്, തെക്ക്-പടിഞ്ഞാറ് ബംഗാള് ഉള്ക്കടല്, ശ്രീലങ്കന് തീരം, മധ്യ-കിഴക്ക് അതിനോട് ചേര്ന്നുള്ള മധ്യ-പടിഞ്ഞാറന് ബംഗാള് ഉള്ക്കടല് എന്നിവിടങ്ങളില് മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യത.
15-06-2023: ആന്ഡമാന് കടല്, അതിനോട് ചേര്ന്നുള്ള മധ്യ-കിഴക്കന് ബംഗാള് ഉള്ക്കടല്, തെക്ക്-കിഴക്ക്, തെക്ക്-പടിഞ്ഞാറ് ബംഗാള് ഉള്ക്കടല്, ശ്രീലങ്കന് തീരം, എന്നിവിടങ്ങളില് മണിക്കൂറില് 40 മുതല് 45 കിലോമീറ്റര് വരെയും ചില അവസരങ്ങളില് മണിക്കൂറില് 55 കിലോമീറ്റര് വരെയും വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യത.
മേല്പ്പറഞ്ഞ തീയതിയിലും പ്രദേശത്തും മത്സ്യബന്ധനത്തിന് പോകുവാന് പാടുള്ളതല്ല.