ആദ്യമായി 200 കോടി ബിസിനസ് എന്ന റെക്കോര്ഡ് സ്വന്തമാക്കുന്ന മലയാള ചിത്രമായി മാറിയിരിക്കുകയാണ് ജൂഡ് ആന്റണി ജോസഫ് സംവിധാനം നിര്വഹിച്ച 2018. ചിത്രം 200 കോടി ക്ലബ്ബില് ഇടം പിടിച്ചു എന്ന വാര്ത്ത അണിയറ പ്രവര്ത്തകര് സ്ഥിരീകരിച്ചു.
ആദ്യ 150 കോടി ക്ലബ്ബില് ഇടംപിടിച്ച മലയാള സിനിമയും 2018 ആയിരുന്നു ചിത്രത്തിന്റെ തമിഴ് തെലുങ്ക് ഹിന്ദിമൊഴിമാറ്റ പതിപ്പുകള് അടുത്തിടെ റിലീസ് ചെയ്യപ്പെടുകയും മികച്ച കളക്ഷന് സ്വന്തമാക്കുകയും ചെയ്തിരുന്നു. ജൂണ് 7 മുതല് ഒടിടി യിലും ചിത്രം റിലീസ് ചെയ്തു.
ടോവിനോ തോമസ്, ആസിഫ് അലി, കുഞ്ചാക്കോ ബോബന്, നരേന്, ലാല്, വിനീത് ശ്രീനിവാസന്, അപര്ണ ബാലമുരളി, തന്വി റാം, ശിവദ, ഗൗതമി നായര്, സിദ്ദിഖ് എന്നിങ്ങനെ നീണ്ട താരനിര തന്നെയാണ് 2018 എന്ന ചിത്രത്തില് അണിനിരന്നിരിക്കുന്നത്.