മാഡ്രിഡ്: റയല്‍ മാഡ്രിഡ് സൂപ്പര്‍ താരം കരീം ബെന്‍സേമക്ക് ഓഫറുമായി സൗദി ക്ലബ്ബായ അല്‍ ഇത്തിഹാദ്.
ഈ വര്‍ഷത്തോടെ റയലുമായുള്ള കരാര്‍ അവസാനിക്കാനിരിക്കെയാണ് സൗദി ക്ലബ്ബ് താരത്തിന് മുന്നില്‍ വമ്ബന്‍ ഓഫര്‍ വച്ചത്. ഒരു സീസണില്‍ 200മില്യണ്‍ യൂറോ, എകദേശം 882 കോടി രൂപയാണ് ഇത്തിഹാദ് താരത്തിന് വാഗ്ദാനം ചെയ്യുന്നത്.
ഇത്തിഹാദുമായി താരത്തിന്റെ ഏജന്റ് ചര്‍ച്ചകള്‍ ആരംഭിച്ചു കഴിഞ്ഞതായാണ് റിപ്പോര്‍ട്ട്. അതേ സമയം ഇന്ന് ബെന്‍സേമ റയല്‍ പ്രസിഡന്റ് ഫ്ളോറന്റീനോ പെരസുമായി ചര്‍ച്ച നടത്തും. താരവുമായുള്ള കരാര്‍ പുതുക്കാന്‍ റയല്‍ ഇതുവരെ തീരുമാനിച്ചിട്ടില്ല.