ജൂഡ് ആന്റണി ജോസഫ് സംവിധാനം ചെയ്ത ‘2018’ റിലീസ് ചെയ്ത് ദിവസങ്ങള്‍ പിന്നിടുമ്‌ബോള്‍ വിജയഗാഥ തുടരുകയാണ്.
സിനിമ റിലീസ് ചെയ്ത് ഇതിനോടകം 150 കോടിയാണ് ചിത്രം സ്വന്തമാക്കിയിരിക്കുന്നത്. ബോക്‌സോഫീസ് കളക്ഷനില്‍ മുന്‍പന്തിയില്‍ നിന്നിരുന്ന ചിത്രങ്ങളെ പിന്‍തള്ളി കൊണ്ടാണ് ജൂഡ് ആന്തണി ജോസഫിന്റെ ‘2018 Everyone Is A Hero’ ഒന്നാം സ്ഥാനം കരസ്ഥമാക്കിയിരിക്കുന്നത്. മലയാള സിനിമ ഇന്റസ്ട്രിയില്‍ ഏറ്റവും വലിയ ഹിറ്റായി മാറിയിരിക്കുകയാണ് ചിത്രമിപ്പോള്‍.
ടൊവിനോ തോമസ്, കുഞ്ചാക്കോ ബോബന്‍, ആസിഫ് അലി, വിനീത് ശ്രീനിവാസന്‍, ഇന്ദ്രന്‍സ്, ലാല്‍, നരേന്‍, അപര്‍ണ്ണ ബാലമുരളി, തന്‍വി റാം, സുധീഷ്, സിദ്ദിഖ്, രഞ്ജി പണിക്കര്‍, ജാഫര്‍ ഇടുക്കി, അജു വര്‍ഗ്ഗീസ്, ജിബിന്‍ ഗോപിനാഥ്, ഡോക്ടര്‍ റോണി, ശിവദ, വിനിതാ കോശി തുടങ്ങി മലയാളത്തിലെ മുന്‍നിരതാരങ്ങളെ അണിനിരത്തി ഒരുക്കിയ ‘2018 Everyone Is A Hero’ മെയ് 5 നാണ് തിയറ്റര്‍ റിലീസ് ചെയ്തത്.