സണ്ണി ഡിയോള് അമീഷ പട്ടേല് എന്നിവര് തകര്ത്തഭിനയിച്ച പ്രണയചിത്രം ‘ഗദര്: ഏക് പ്രേം കഥ’ ജൂണ് 9ന് റീറിലീസിനൊരുങ്ങുന്നു. താരങ്ങള് തന്നെയാണ് ഇന്സ്റ്റഗ്രാമിലൂടെ ഇക്കാര്യം ആരാധകരെ അറിയിച്ചത്.
22 വര്ഷങ്ങള്ക്ക് ശേഷം വീണ്ടും അമീഷയും സണ്ണിയും തിയറ്ററുകളില് എത്തുന്നു. റീമാസ്റ്റര് ചെയ്ത 4കെ പതിപ്പാണ് പ്രേക്ഷകരിലേക്കെത്തുന്നത്. പുതിയ പതിപ്പിന്റെ ട്രയിലര് വെള്ളിയാഴ്ച പുറത്തിറങ്ങി. അനില് ശര്മ്മ സംവിധാനം ചെയ്ത ചിത്രം 2001ലാണ് പുറത്തിറങ്ങിയത്.
1947 ല് ഇന്ത്യയുടെ വിഭജനകാലത്ത് നടക്കുന്ന പ്രണയകഥയാണ് ചിത്രത്തിന്റെ പ്രമേയം. അമരീഷ് പുരിയും ചിത്രത്തില് ഒരു പ്രധാന വേഷത്തില് അഭിനയിച്ചിരുന്നു. അമൃത്സറില് നിന്നുള്ള ട്രക്ക് ഡ്രൈവറായ താരാ സിംഗും ലാഹോറിലെ മുസ്ലിം കുടുംബത്തില് നിന്നുള്ള സക്കീനയും തമ്മിലുള്ള പ്രണയമാണ് ഗദര്: ഏക് പ്രേം കഥ പറഞ്ഞത്. ചിത്രം ബോക്സോഫീസില് തരംഗമായി മാറിയിരുന്നു.